மாவட்ட செய்திகள்

மக்கள் அதிகம் கூடும் பகுதிகளில் மத்திய அரசின் திட்டங்களை அறிவிப்பு பலகையாக வைக்க வேண்டும் + "||" + Federal government plans should be put up as notice boards in areas where people are more likely to congregate

மக்கள் அதிகம் கூடும் பகுதிகளில் மத்திய அரசின் திட்டங்களை அறிவிப்பு பலகையாக வைக்க வேண்டும்

மக்கள் அதிகம் கூடும் பகுதிகளில் மத்திய அரசின் திட்டங்களை அறிவிப்பு பலகையாக வைக்க வேண்டும்
மக்கள் அதிகம் கூடும் பகுதிகளில் மத்திய அரசின் திட்டங்களை அறிவிப்பு பலகையாக வைக்க வேண்டும் என்று பா.ஜனதா கூட்டத்தில் தீர்மானம் நிறைவேற்றப்பட்டது.
ஈரோடு,

பா.ஜனதா கட்சியின் ஈரோடு தெற்கு மாவட்ட காசிபாளையம் கிழக்கு மண்டல நிர்வாகிகள் ஆலோசனை கூட்டம் ஈரோட்டில் நடைபெற்றது. கூட்டத்துக்கு மண்டல செயலாளர் வெங்கடேசன் தலைமை தாங்கினார். மாவட்ட பொதுச்செயலாளர் விவேகானந்தன், துணைத்தலைவர் சங்கமித்திரை, மாவட்ட செயலாளர் தமிழ்செல்வி வெங்கடேசன் ஆகியோர் முன்னிலை வகித்தனர்.


கூட்டத்தில் கட்சியின் மாநில எஸ்.டி. பிரிவு துணைத்தலைவர் விநாயகமூர்த்தி சிறப்பு அழைப்பாளராக கலந்துகொண்டு பேசினார்.

இந்த கூட்டத்தில் நிறைவேற்றப்பட்ட தீர்மானங்கள் வருமாறு:-

சமூக இடைவெளி

மத்திய அரசின் பல்வேறு திட்டங்களை பொதுமக்கள் அறிந்து கொள்ளும் வகையில் மக்கள் கூடும் இடங்களில் அறிவிப்பு பலகைகளை வைக்க மாவட்ட நிர்வாகம் நடவடிக்கை எடுக்க வேண்டும்.

கொரோனா தடுப்பு நடவடிக்கை என்கிற பெயரில் கோவில்களில் கூட்டம் கூடுவதை தடுக்கும் தமிழக அரசு, டாஸ்மாக் கடைகளிலும், பஸ்களிலும் சமூக இடைவெளி இல்லாமல் பயணம் செய்வதை தடுக்க வேண்டும்.

காளைமாடுசிலை பகுதியில் இருந்து கொல்லம்பாளையம் வரை செல்லும் சாலையில் உள்ள ரெயில்வே நுழைவு பாலத்தில் மின்விளக்குகள் இல்லாததால் இரவு நேரங்களில் பொதுமக்கள் செல்ல அச்சப்படுகிறார்கள். எனவே அந்த பகுதியில் மின் விளக்குகள் வசதியை செய்து கொடுக்க வேண்டும்.

சாலை சீரமைப்பு

மரப்பாலம் நேதாஜிரோடு, ஜீவானந்தம்ரோடு, ஆலமரத்து தெரு ஆகிய பகுதிகளில் உள்ள சாலைகளில் பாதாள சாக்கடைகளுக்காக தோண்டப்பட்ட குழியை முறையாக மூடப்படாததால் அந்த வழியாக வாகனங்களில் செல்லும் பொதுமக்கள் விபத்துக்கு உள்ளாகிறார்கள். எனவே அந்த பகுதியில் குழிகளை முறையாக மூடி சாலையை சீரமைக்க வேண்டும்.

கள்ளுக்கடைமேடு ஈ.வி.ஆர். வீதியில் உள்ள வீடுகளுக்கு ஊராட்சிக்கோட்டை கூட்டுக்குடிநீர் குழாய்களை அமைக்க வேண்டும்.

மேற்கண்ட தீர்மானங்கள் நிறைவேற்றப்பட்டன.

இந்த கூட்டத்தில் மாவட்ட செயற்குழு உறுப்பினர்கள் காந்திமதி, பாப்பாத்தி, விவசாய பிரிவு துணைத்தலைவர் சதீஸ்குமார் உள்பட பலர் கலந்துகொண்டனர்.

தொடர்புடைய செய்திகள்

1. அ.தி.மு.க. வெற்றி பெற்று ஆட்சி அமைய பணியாற்ற வேண்டும் துணை சபாநாயகர் பொள்ளாச்சி ஜெயராமன் பேச்சு
வருகிற சட்டமன்ற தேர்தலில் அ.தி.மு.க. வெற்றி பெற்று ஆட்சி அமைய பணியாற்ற வேண்டும் என்று துணை சபாநாயகர் பொள்ளாச்சி ஜெயராமன் கூறினார்.
2. ஸ்ரீரங்கம் ரெங்கநாதர் கோவில் வைகுண்ட ஏகாதசி விழா ஒருங்கிணைப்பு குழு கூட்டம் கலெக்டர் தலைமையில் நடந்தது
ஸ்ரீரங்கம் ரெங்கநாதர் கோவில் வைகுண்ட ஏகாதசி விழா தொடர்பான ஒருங்கிணைப்புக்குழு கூட்டம் கலெக்டர் சிவராசு தலைமையில் நடந்தது.
3. 50 ஆண்டு கோரிக்கையான மருத்துவக்கல்லூரியை திருப்பூருக்கு வழங்கியது அ.தி.மு.க. அரசு பொள்ளாச்சி ஜெயராமன் பேச்சு
திருப்பூர் மக்களின் 50 ஆண்டு கால கோரிக்கையான மருத்துவக்கல்லூரியை வழங்கியது அ.தி.மு.க. அரசு என்று மாநகர் மாவட்ட செயலாளர் பொள்ளாச்சி ஜெயராமன் பேசினார்.
4. வருகிற சட்டமன்ற தேர்தலில் டி.டி.வி. தினகரனால் மட்டுமே ஆளுமைமிக்க நல்லாட்சியை தர முடியும்
வருகிற சட்டமன்ற தேர்தலில் டி.டி.வி. தினகரனால் மட்டுமே ஆளுமைமிக்க நல்லாட்சியை தர முடியும் என்று அ.ம.மு.க. மாவட்ட செயலாளர் பாலசுந்தரம் பேசினார்.
5. அரியலூரில் மாவட்ட அ.தி.மு.க. ஆலோசனை கூட்டம்
அரியலூரில் உள்ள அ.தி.மு.க. அலுவலகத்தில் பூத் கமிட்டி மாவட்ட பொறுப்பாளர்கள் ஆலோசனை கூட்டம் நடந்தது.