கர்நாடகத்தில் புதிதாக 6,297 பேருக்கு கொரோனா மேலும் 66 பேர் சாவு

பெங்களூரு,

கர்நாடகத்தில் நேற்று முன்தினம் வரை 7 லட்சத்து 70 ஆயிரத்து 604 பேர் கொரோனாவால் பாதிக்கப்பட்டு இருந்தனர். நேற்று புதிதாக 6 ஆயிரத்து 297 பேருக்கு கொரோனா பாதிப்பு உறுதியானது. இதன்மூலம் பாதிப்பு எண்ணிக்கை 7 லட்சத்து 76 ஆயிரத்து 901 ஆக உயர்ந்துள்ளது. நேற்று முன்தினம் வரை 10 ஆயிரத்து 542 பேர் கொரோனாவுக்கு இறந்தனர். நேற்று மேலும் 66 பேர் உயிரிழந்தனர். இதன்மூலம் சாவு எண்ணிக்கை 10 ஆயிரத்து 608 ஆக உயர்ந்து உள்ளது.

புதிதாக பாகல்கோட்டையில் 27 பேர், பல்லாரியில் 188 பேர், பெலகாவியில் 89 பேர், பெங்களூரு புறநகரில் 319 பேர், பெங்களூரு நகரில் 2,821 பேர், பீதரில் 10 பேர், சாம்ராஜ்நகரில் 32 பேர், சிக்பள்ளாப்பூரில் 166 பேர், சிக்கமகளூருவில் 104 பேர், சித்ரதுர்காவில் 109 பேர், தட்சிண கன்னடாவில் 146 பேர், தாவணகெரேயில் 206 பேர், தார்வாரில் 104 பேர், கதக்கில் 38 பேர், ஹாசனில் 249 பேர், ஹாவேரியில் 42பேர், கலபுரகியில் 67 பேர், குடகில் 24 பேர், கோலாரில் 29 பேர், கொப்பலில் 77 பேர், மண்டியாவில் 108 பேர், மைசூருவில் 451 பேர், ராய்ச்சூரில் 25 பேர், ராமநகரில் 23 பேர், சிவமொக்காவில் 116 பேர், துமகூருவில் 327 பேர், உடுப்பியில் 103 பேர், உத்தர கன்னடாவில் 180 பேர், விஜயாப்புராவில் 80 பேர், யாதகிரியில் 37 பேர் கொரோனாவால் பாதிக்கப்பட்டு உள்ளனர்.

98 ஆயிரம் பேருக்கு பரிசோதனை

நேற்று ஒரேநாளில் 8 ஆயிரத்து 500 பேர் குணம் அடைந்து வீடு திரும்பினர். இதன்மூலம் டிஸ்சார்ஜ் ஆனவர்கள் எண்ணிக்கை 6 லட்சத்து 62 ஆயிரத்து 329 ஆக உயர்ந்து உள்ளது. ஒரு லட்சத்து 3 ஆயிரத்து 945 பேர் சிகிச்சையில் உள்ளனர். 941 பேர் தீவிர சிகிச்சை பிரிவில் உள்ளனர். நேற்று 98 ஆயிரத்து 236 பேருக்கு கொரோனா பரிசோதனை செய்யப்பட்டது. இதுவரை 68 லட்சத்து 44 ஆயிரத்து 594 பேருக்கு கொரோனா பரிசோதனை செய்யப்பட்டு உள்ளது.

மாநிலத்தில் நேற்று ஒரேநாளில் கொரோனாவுக்கு பெங்களூருவில் 36 பேர், தட்சிண கன்னடா, கோலாரில் தலா 4 பேர், சாம்ராஜ்நகரில் 3 பேர், பெங்களூரு புறநகர், ஹாசன், ஹாவேரி, மைசூரு, சிவமொக்காவில் தலா 2 பேர், பாகல்கோட்டை, பல்லாரி, தார்வார், ராய்ச்சூர், ராமநகர், துமகூரு, உடுப்பி, உத்தர கன்னடா, விஜயாப்புராவில் தலா ஒருவர் என மொத்தம் 66 பேர் உயிரிழந்துள்ளனர்.

இவ்வாறு அந்த செய்திக்குறிப்பில் சுகாதாரத்துறை தெரிவித்து உள்ளது.