மாவட்ட செய்திகள்

ஆன்லைன் சூதாட்டங்களுக்கு தடை விதிக்க வேண்டும் மத்திய அரசுக்கு, நாராயணசாமி கோரிக்கை + "||" + Narayanasamy calls on central government to ban online gambling

ஆன்லைன் சூதாட்டங்களுக்கு தடை விதிக்க வேண்டும் மத்திய அரசுக்கு, நாராயணசாமி கோரிக்கை

ஆன்லைன் சூதாட்டங்களுக்கு தடை விதிக்க வேண்டும் மத்திய அரசுக்கு, நாராயணசாமி கோரிக்கை
ஆன்லைன் சூதாட்டங்களுக்கு தடை விதிக்கவேண்டும் என்று மத்திய அரசுக்கு முதல்-அமைச்சர் நாராயணசாமி கோரிக்கை விடுத்தார்.
புதுச்சேரி,

புதுவையில் கொரோனா பாதிப்பு மற்றும் இறப்பு குறைந்து வருகிறது. வருகிற நாட்கள் பண்டிகை காலம் என்பதால் மக்கள் விழிப்புடன் இருக்கவேண்டும். இப்போது 95 சதவீதம் பேர் முகக்கவசம் அணிந்து வெளியே வருகிறார்கள். மீதமுள்ளவர்களும் முகக்கவசம் அணியவேண்டும். சண்டே மார்க்கெட்டில் மக்கள் அதிக அளவில் கூடுகின்றனர். இது அதிர்ச்சி அளிக்கிறது.


புதுவையில் விரைவில் பஸ் நிலையத்தில் இருந்து பஸ்கள் இயக்க நடவடிக்கை எடுக்கப்படுகிறது. அப்போது அங்குள்ள கடைகள் பெரிய மார்க்கெட்டிற்கு மாற்றப்படும். அந்த நேரத்தில் பெரிய மார்க்கெட்டின் 13 வாசல் பகுதிகளிலும் கிருமிநாசினி, சோப்பு, கைகழுவ தண்ணீர் வைக்க உத்தரவிடப்பட்டுள்ளது.

ஆன்லைன் சூதாட்டத்துக்கு தடை

மத்திய அரசு பல்வேறு சீன செயலிகளுக்கு தடை விதித்துள்ளது. இதற்கிடையே புதுவையில் ஆன்லைன் மூலம் ரம்மி விளையாடி பல லட்சம் பணத்தை இழந்த வாலிபர் ஒருவர் தற்கொலை செய்துகொண்டுள்ளார். இதுபோன்ற சூதாட்டங்களினால் பலர் தங்கள் பணத்தை இழந்துள்ளனர். எனவே இதுபோன்ற சூதாட்டங்களை தடை செய்யவேண்டும் என்று மத்திய அரசுக்கு கோரிக்கை வைக்கிறேன். இதுதொடர்பாக மத்திய மந்திரி ரவிசங்கர் பிரசாத்துக்கு கடிதம் எழுத உள்ளேன்.

கடந்த 2020-21 பட்ஜெட்டில் விவசாயத்துக்கு முக்கியத்துவம் கொடுத்துள்ளோம். புதுவை விவசாயிகளுக்கு ரூ.1000 கோடி அளவுக்கு கடன் கொடுக்க வங்கிகளை கேட்டுக்கொண்டுள்ளேன். பால் வளத்தை பெருக்க கறவை மாடுகள் வாங்க குறைந்தபட்சம் ரூ.50 ஆயிரம் வரை ஜாமீன் கேட்காமல் கடன் வழங்க கூறியுள்ளேன். கிராமப்புற மகளிர் சுய உதவி குழுக்களுக்கு ரூ.35 கோடி கடன் கொடுக்க கூறினேன். அதில் 90 சதவீத நிதி வழங்கப்பட்டுள்ளது. வங்கிகளுடன் இணைந்து ரூ.3 ஆயிரம் கோடி திட்டங்களை நிறைவேற்ற உள்ளோம்.

குண்டர் சட்டம்

புதுவையில் நடந்த சில கொலைகளில் சிறைக் கைதிகளுக்கு தொடர்பு இருப்பது தெரியவந்துள்ளது. அவர்கள் சிறையில் இருந்துகொண்டு செல்போன் மூலம் வெளியில் உள்ள ரவுடிகளை தொடர்புகொண்டு காண்டிராக்டர்களை மிரட்டி பணம் பறிக்க நடவடிக்கை எடுக்கிறார் கள். இது கடந்த கால ரங்கசாமி ஆட்சியிலும் நடந்தது. அவர் அதன் மீது நடவடிக்கை எடுக்கவில்லை. நாங்கள் ஆட்சிக்கு வந்தபின் 29 ரவுடிகள் மீது குண்டர் சட்டத்தின்கீழ் நடவடிக்கை எடுத்தோம்.

இப்போது பலமுறை சிறையில் செல்போன் பறிமுதல் செய்யப்பட்டுள்ளது. இதற்கு சிறை வார்டன்களும் உதவி உள்ளனர். அவர்கள் மீது நடவடிக்கை எடுக்க உள்ளோம். அவர்களை மாற்றவும் நடவடிக்கை எடுக்கப்பட உள்ளது. ரவுடிகள் விஷயத்தில் காவல்துறையானது மென்மையான போக்கினை கடைபிடிப்பதில்லை. இருந்தபோதிலும் காவல்துறையில் உள்ள புல்லுருவிகள் மீதும் நடவடிக்கை எடுப்போம்.

இவ்வாறு அவர் கூறினார்.

தொடர்புடைய செய்திகள்

1. கூடலூர் அருகே நெற்பயிர்களை சேதப்படுத்தும் காட்டுயானைகள் இழப்பீடு வழங்க விவசாயிகள் கோரிக்கை
கூடலூர் பகுதியில் நெற்பயிர்களை காட்டு யானைகள் தொடர்ந்து சேதப்படுத்தி வருகின்றன. எனவே உரிய இழப்பீடு வழங்க வேண்டும் என பாதிக்கப்பட்ட விவசாயிகள் கோரிக்கை விடுத்துள்ளனர்.
2. பொதுமக்கள் நடமாட்டத்தை தடுக்க 24 மணி நேர போலீஸ் கண்காணிப்பு முதல்-அமைச்சர் நாராயணசாமி பேட்டி
பொதுமக்கள் நடமாட்டத்தை தடுக்க 24 மணி நேரமும் கண்காணிக்க போலீசுக்கு உத்தரவிட்டுள்ளதாக முதல்-அமைச்சர் நாராயணசாமி தெரிவித்தார்.
3. புதுச்சேரி: மாணவர்கள் நலனுக்காக ரூ.1 கட்டண சிறப்பு பேருந்துகளை இயக்க கோரிக்கை
புதுச்சேரி காரைக்கால் மாவட்டத்தில் மாணவர்கள் நலனை முன்னிட்டு ரூ.1 கட்டண சிறப்பு பேருந்துகளை இயக்க வேண்டும் என கோரிக்கை எழுந்துள்ளது.
4. பீகாரில் மோடியின் அலை வீசி இருந்தால் அதிக இடங்களில் ராஷ்ட்ரீய ஜனதா தளம் வென்றது எப்படி? நாராயணசாமி கேள்வி
பீகாரில் மோடியின் அலை வீசி இருந்தால், அதிக இடங்களில் ராஷ்ட்ரீய ஜனதா தளம் வென்றது எப்படி? என முதல்-அமைச்சர் நாராயணசாமி கேள்வி எழுப்பினார்.
5. அரசு பள்ளி மாணவர்களுக்கு 10 சதவீத உள்ஒதுக்கீடு கவர்னர் அனுமதி தர மறுத்ததால் சட்டப்படி நடவடிக்கை நாராயணசாமி அறிவிப்பு
அரசு பள்ளி மாணவர்களுக்கு 10 சதவீத உள்ஒதுக்கீடு வழங்க கவர்னர் கிரண்பெடி மறுத்து விட்டதால் சட்டப்படி நடவடிக்கை எடுப்பதற்கான பணிகள் தொடங்கி உள்ளதாக அனைத்துக்கட்சி கூட்டத்துக்குப் பின் முதல்-அமைச்சர் நாராயணசாமி தெரிவித்தார்.