மாவட்ட செய்திகள்

மாதவரம் அருகே நள்ளிரவில் அடுத்தடுத்து லாரிகள் மோதல்; டிரைவர், கிளீனர் படுகாயம் 6 மணிநேரம் போக்குவரத்து பாதிப்பு + "||" + Consecutive truck collision at midnight near Madhavaram; Driver, cleaner injured 6 hours traffic impact

மாதவரம் அருகே நள்ளிரவில் அடுத்தடுத்து லாரிகள் மோதல்; டிரைவர், கிளீனர் படுகாயம் 6 மணிநேரம் போக்குவரத்து பாதிப்பு

மாதவரம் அருகே நள்ளிரவில் அடுத்தடுத்து லாரிகள் மோதல்; டிரைவர், கிளீனர் படுகாயம் 6 மணிநேரம் போக்குவரத்து பாதிப்பு
மாதவரம் அருகே நள்ளிரவில் அடுத்தடுத்து லாரிகள் மோதிக்கொண்டன. இந்த விபத்தில் ஒரு லாரியின் டிரைவர், கிளீனர் இருவரும் படுகாயம் அடைந்தனர். இதனால் 6 மணிநேரம் போக்குவரத்து பாதிக்கப்பட்டது.
செங்குன்றம், 

சென்னையை அடுத்த மாதவரம் ஜி.என்.டி. சாலை ஆட்டுத்தொட்டி அருகே நேற்று முன்தினம் நள்ளிரவு ஒரு லாரியும், அதன் முன்புறம் ஒரு மினி லாரியும் சாலை ஓரமாக நிறுத்தி வைக்கப்பட்டு இருந்தது.

அப்போது அரியானா மாநிலத்தில் இருந்து பெயிண்டு தயாரிக்க பயன்படுத்தப்படும் வார்னிஷ் லோடு ஏற்றிக்கொண்டு வந்த லாரி, சாலையோரம் நின்ற லாரி மீது மோதியது. மோதிய வேகத்தில் அந்த லாரி, முன்னால் நின்ற மினி லாரி மீது மோதியது.

இதற்கிடையில் அரியானா மாநிலத்தில் இருந்து வீட்டு உபயோக பொருட்களை ஏற்றி வந்த மற்றொரு லாரி, விபத்தில் சிக்கிய இந்த 3 லாரிகள் மீதும் மோதியதுடன், அதே வேகத்தில் சாலையில் கவிழ்ந்தது. அடுத்தடுத்து சங்கிலி தொடர்போல் லாரிகள் ஒன்றோடு ஒன்று மோதிக்கொண்டன. இதில் 4 லாரிகளும் சேதம் அடைந்தன.

போக்குவரத்து பாதிப்பு

இந்த விபத்தில் லாரியில் இருந்த வார்னிஷ் டின்கள் சாலையில் உருண்டோடின. மற்றொரு லாரியில் இருந்த வீட்டு உபயோக பொருட்கள் சாலையில் விழுந்து நொறுங்கின. இதில் வார்னிஷ் லோடு ஏற்றி வந்த லாரி டிரைவர் கொக்கா வாகிம்(வயது 24), கிளீனர் ஜம்மர் ஆகிய 2 பேரும் படுகாயம் அடைந்து உயிருக்கு போராடினர். உடனடியாக இருவரையும் மீட்டு சென்னை அரசு ஸ்டான்லி ஆஸ்பத்திரியில் சேர்த்தனர்.

இதுபற்றி தகவல் அறிந்தவந்த செங்குன்றம், மாதவரம் தீயணைப்பு நிலைய வீரர்கள், விபத்தில் சிக்கிய 4 லாரிகளையும் அப்புறப்படுத்தினர். இதுபற்றி மாதவரம் போக்குவரத்து புலனாய்வு பிரிவு இன்ஸ்பெக்டர் அலமேலு, சப்-இன்ஸ்பெக்டர்கள் ரமணபாபு, குமரேசன் மற்றும் போலீசார் சம்பவ இடத்துக்கு வந்து விசாரணை நடத்தினர்.

இந்த விபத்தின்போது சென்னை-கொல்கத்தா தேசிய நெடுஞ்சாலையில் போக்குவரத்து போலீசார் இல்லை என கூறப்படுகிறது. இதனால் நள்ளிரவு முதல் அதிகாலை வரை சுமார் 6 மணி நேரம் அந்த பகுதியில் போக்குவரத்து பாதிக்கப்பட்டது. இதுபற்றி புழல் போலீசார் வழக்குப்பதிவு செய்து விசாரித்து வருகின்றனர்.

தொடர்புடைய செய்திகள்

1. வேகமான பாய்ச்சலில் கொரோனா: பாதிப்பு, உயிரிழப்பு தொடர்ந்து அதிகரிப்பு
தமிழகத்தில் தொடர்ந்து கொரோனா பாதிப்பு மற்றும் உயிரிழப்பு அதிகரித்து வருகிறது.
2. நாகையில், கொரோனாவுக்கு 3 பேர் பலி டெல்டாவில், ஒரே நாளில் 425 பேருக்கு தொற்று
நாகையில், கொரோனாவுக்கு 3 பேர் பலியானார்கள். டெல்டாவில், ஒரே நாளில் 425 பேருக்கு தொற்று உறுதி செய்யப்பட்டது.
3. பஸ்களில் மக்கள் முக கவசம் அணிந்து பயணம் செய்வதை அதிகாரிகள் கண்காணிப்பு கூட்டநெரிசலை தவிர்க்க கூடுதல் பஸ்கள் இயக்கம்
பஸ்களில் மக்கள் முக கவசம் அணிந்து பயணம் செய்கிறார்களா? என்பதை அதிகாரிகள் தீவிரமாக கண்காணித்து வருகிறார்கள். மக்கள் கூட்டம் அதிகமுள்ள பகுதிகளில் கூடுதல் பஸ்கள் இயக்கப்பட்டு வருகிறது.
4. வேதாரண்யம் பகுதி அரசு மருத்துவமனைகளில் கொரோனா தடுப்பூசி மருந்து தட்டுப்பாடு
வேதாரண்யம் பகுதி அரசு மருத்துவமனைகளில் கொரோனா தடுப்பூசி மருந்து தட்டுப்பாடு காரணமாக பொதுமக்கள் அவதிப்பட்டு வருகிறார்கள். தடுப்பூசி இல்லை என ஊழியர்கள் கூறியதால் ஊழியர்களுடன் பொதுமக்கள் வாக்குவாதத்தில் ஈடுபட்டனர்.
5. வெளிமாநிலங்களில் இருந்து வந்த 41 பேருக்கு தொற்று கொரோனா பாதிப்பு 8 ஆயிரத்தை நெருங்கியது
தமிழகத்தில் கொரோனா பாதிப்பு 8 ஆயிரத்தை நெருங்கி விட்டது. மேலும் வெளிமாநிலங்களில் இருந்து வந்த 41 பேருக்கு கொரோனா தொற்று உறுதி செய்யப்பட்டுள்ளது.