மாவட்ட செய்திகள்

சொட்டுநீர் பாசனம் செய்யும் சிறு, குறு விவசாயிகளுக்கு 100 சதவீதம் மானியம் கலெக்டர் தகவல் + "||" + 100 per cent subsidy for small and marginal farmers who are drip irrigating Collector Information

சொட்டுநீர் பாசனம் செய்யும் சிறு, குறு விவசாயிகளுக்கு 100 சதவீதம் மானியம் கலெக்டர் தகவல்

சொட்டுநீர் பாசனம் செய்யும் சிறு, குறு விவசாயிகளுக்கு 100 சதவீதம் மானியம் கலெக்டர் தகவல்
திருச்சி மாவட்டத்தில் சொட்டு நீர் பாசனம் செய்யும் சிறு, குறு விவசாயிகளுக்கு 100 சதவீதம் மானியம் வழங்கப்படுவதாக கலெக்டர் எஸ்.சிவராசு தெரிவித்தார்.
திருச்சி, 

சொட்டுநீர் மற்றும் தெளிப்புநீர் பாசனம் போன்ற நுண்ணீர் பாசன அமைப்புகளை உருவாக்குவதற்கு சிறு, குறு விவசாயிகளுக்கு 100 சதவீதம் மானியமும், பிற விவசாயிகளுக்கு 75 சதவீத மானியமும் அளித்து வருகிறது. பாசன நீர்வசதி ஏதும் இல்லாத இடங்களில் பாசன நீர் ஆதாரங்களை உருவாக்கி விவசாயிகள் நுண்ணீர் பாசனமுறையில் சாகுபடி மேற்கொள்வதற்கு துணை நிலை நீர் மேலாண்மைத் திட்டம் செயல்படுத்தப்பட்டு வருகிறது.

இத்திட்டத்தின் கீழ் நுண்ணீர் பாசன முறையினை அமைப்பதற்கு முன்வரும் விவசாயிகளை மேலும் ஊக்குவிக்கும் வகையில் மானியம் மட்டுமல்லாது குழாய் கிணறு, துளைக்கிணறு அமைக்கவும், நீர் இறைப்பதற்கு ஆயில் என்ஜின் மின்மோட்டார் வசதி ஏற்படுத்தவும் பாசன நீரினை வீணாக்காமல் வயலுக்கு அருகில் கொண்டு செல்வதற்கு பாசனநீர் குழாய்களை நிறுவவும் மற்றும் தரைநிலை நீர்த்தேக்கதொட்டி அமைத்தல் போன்ற துணை நிலைநீர் மேலாண்மை பணிகளுக்காகவும் மானியம் வழங்கப்பட்டு வருகிறது.

எந்தெந்த வகையில் கிடைக்கும்

திருச்சி மாவட்டத்தில் நிலத்தடி நீர் பாதுகாப்பான ஆழத்தில் உள்ள பாதுகாப்பான குறு வட்டாரங்களாக அறிவிக்கப்பட்டுள்ள அன்பில், கல்லக்குடி, லால்குடி, புள்ளம்பாடி, வாளாடி, வளநாடு, சிறுகாம்பூர், ஆமூர், அந்தநல்லூர், குழுமணி, சோமரசம்பேட்டை, ஸ்ரீரங்கம், நவல்பட்டு, திருவெறும்பூர், வேங்கூர், திருச்சி (வடக்கு), திருச்சி (தெற்கு) ஆகிய குறு வட்டாரங்களில் குழாய்க்கிணறு, துளைக்கிணறு அமைப்பதற்கு செலவிடப்படும் தொகையில் 50 சதவிகிதம் அதிகபட்சமாக ரூ.25 ஆயிரம் வழங்கப்படுகிறது.

டீசல் பம்பு செட், மின் மோட்டார் பம்பு செட் நிறுவுவதற்கு அதன் விலையில் 50 சதவீதத் தொகை ரூ.15 ஆயிரத்திற்கு மிகாமலும், வயலுக்கு அருகில் பாசன நீரினை கொண்டு செல்லும் வகையில் குழாய் அமைப்பதற்கு 50 சதவீதத் தொகை எக்டருக்கு ரூ.10 ஆயிரத்துக்கு மிகாமலும், பாதுகாப்பு வேலியுடன் தரைநிலை நீர்த்தேக்கத் தொட்டி நிறுவுவதற்கு அதற்காகும் செலவில் 50 சதவீதத் தொகை ஒரு கனமீட்டருக்கு ரூ.350-க்கு மிகாமலும் நிதி உதவி ஒரு பயனாளிக்கு ரூ.40 ஆயிரத்துக்கு மிகாமலும் வழங்கப்பட்டு வருகிறது என்று திருச்சி மாவட்ட கலெக்டர் எஸ்.சிவராசு தெரிவித்துள்ளார்.

தொடர்புடைய செய்திகள்

1. புரெவி புயலில் இருந்து தங்களை பாதுகாத்து கொள்ள அரசு அறிவிப்புகளை பொதுமக்கள் பின்பற்ற வேண்டும் கலெக்டர் அறிவுறுத்தல்
புரெவி புயலில் இருந்து தங்களை பாதுகாத்து கொள்ள அரசு அறிவிப்புகளை பொதுமக்கள் பின்பற்ற வேண்டும் என்று கலெக்டர் உமாமகேஸ்வரி அறிவுறுத்தி உள்ளார்.
2. அரசு சிமெண்டு ஆலையில் நிரந்தர பணி கேட்ட ஆனந்தவாடி கிராம மக்களின் கோரிக்கைகள் பரிசீலிக்கப்படும் அமைச்சர் தகவல்
அரியலூர் அரசு சிமெண்டு ஆலைக்கு ஆனந்தவாடி கிராமத்தில் இருந்து சுண்ணாம்புக்கல் எடுப்பதற்காக, அந்த கிராம மக்களுடனான ஆலோசனை கூட்டம் அரியலூர் கலெக்டர் அலுவலகத்தில் நேற்று நடந்தது.
3. தேங்காப்பட்டணத்தில் மீனவ பிரதிநிதிகளுடன் குமரி மாவட்ட உயர் அதிகாரிகள் ஆலோசனை
தேங்காப்பட்டணத்தில் மீனவ பிரதிநிதிகளுடன் குமரி மாவட்ட உயர் அதிகாரிகள் ஆலோசனை நடத்தினர். அப்போது ஆழ்கடலுக்கு சென்ற மீனவர்கள் அந்தந்த பகுதியில் கரை ஒதுங்க நடவடிக்கை எடுக்கப்பட்டுள்ளதாக தெரிவித்தனர்.
4. குழந்தைகளுக்கு எதிரான வன்முறைகளை கண்டறிந்து தீர்வு காண வேண்டும் கலெக்டர் சாந்தா பேச்சு
குழந்தைகளுக்கு எதிரான வன்முறைகளை கண்டறிந்து உடனடியாக தீர்வு காண வேண்டும் என கலெக்டர் சாந்தா கூறினார்.
5. “திருநங்கைகளுக்கு அடிப்படை வசதிகள் செய்து கொடுக்க வேண்டும்” அதிகாரிகளுக்கு கலெக்டர் உத்தரவு
கடலூர் மாவட்ட கலெக்டர் அலுவலக கூட்டரங்கில், திருநங்கைகளின் அடிப்படை தேவைகள் குறித்த கலந்தாய்வு கூட்டம் நடைபெற்றது. கூட்டத்திற்கு கலெக்டர் சந்திரசேகர் சாகமூரி தலைமை தாங்கினார்.