மாவட்ட செய்திகள்

திருச்செந்தூருக்கு வரும் பக்தர்கள் திருப்பி அனுப்பப்படுவார்கள் போலீஸ் சூப்பிரண்டு ஜெயக்குமார் தகவல் + "||" + Devotees coming to Thiruchendur will be sent back, said Superintendent of Police Jayakumar

திருச்செந்தூருக்கு வரும் பக்தர்கள் திருப்பி அனுப்பப்படுவார்கள் போலீஸ் சூப்பிரண்டு ஜெயக்குமார் தகவல்

திருச்செந்தூருக்கு வரும் பக்தர்கள் திருப்பி அனுப்பப்படுவார்கள் போலீஸ் சூப்பிரண்டு ஜெயக்குமார் தகவல்
திருச்செந்தூர் சுப்பிரமணிய சுவாமி கோவில் கந்தசஷ்டி திருவிழாவில் இன்று (வெள்ளிக்கிழமை) சூரசம்ஹாரம் நடைபெறுகிறது. விழாவையொட்டி மாவட்டத்தில் 22 இடங்களில் சோதனைச்சாவடிகள் அமைக்கப்பட்டுள்ளதாகவும், திருச்செந்தூருக்கு வரும் பக்தர்கள் திருப்பி அனுப்பப்படுவார்கள் என்றும் மாவட்ட போலீஸ் சூப்பிரண்டு ஜெயக்குமார் தெரிவித்தார்.
திருச்செந்தூர், 

திருச்செந்தூர் சுப்பிரமணிய சுவாமி கோவில் கந்தசஷ்டி திருவிழாவில் சிகர நிகழ்ச்சியான சூரசம்ஹாரம் இன்று (வெள்ளிக்கிழமை) மாலையில் நடைபெறுகிறது. நாளை (சனிக்கிழமை) இரவில் சுவாமி-அம்பாள் திருக்கல்யாணம் நடைபெறுகிறது.

கொரோனா தடுப்பு நடவடிக்கை காரணமாக, இன்றும், நாளையும் கோவிலில் சாமி தரிசனம் செய்வதற்கு பக்தர்களுக்கு அனுமதி கிடையாது. மேலும் திருச்செந்தூரில் உள்ள விடுதிகள், மண்டபங்களில் தங்கவும் பக்தர்களுக்கு தடை விதிக்கப்பட்டு உள்ளது.

இதுகுறித்த விழிப்புணர்வு துண்டு பிரசுரங்களை திருச்செந்தூரில் கோவிலுக்கு வரும் பக்தர்களிடம் மாவட்ட போலீஸ் சூப்பிரண்டு ஜெயக்குமார் வழங்கினார்.

பின்னர் அவர் நிருபர்களிடம் கூறியதாவது:-

விடுதிகளில் தங்க தடை

கொரோனா தடுப்பு நடவடிக்கை காரணமாக, திருச்செந்தூர் கோவிலில் இன்றும் (வெள்ளிக்கிழமை), நாளையும் (சனிக்கிழமை) சாமி தரிசனம் செய்வதற்கு பக்தர்க

ளுக்கு அனுமதி கிடையாது. மேலும் விடுதிகள், மண்டபங்களில் வெளியூர் பக்தர்கள் தங்கவும் தடை விதிக்கப்பட்டுள்ளது. எனவே அங்கு தங்கியுள்ள பக்தர்கள் வெளியேற ஒத்துழைக்க வேண்டும்.

கொரோனா பரவல் 2-வது அலை உருவாகும் வாய்ப்பு உள்ளதால், அரசின் நடவடிக்கைகளுக்கு பக்தர்கள் ஒத்துழைப்பு தர வேண்டும்.

கோவிலில் நடைபெறும் அனைத்து நிகழ்ச்சிகளையும் யு-டியூப் இணையதளத்தில் பக்தர்கள் நேரலையில் கண்டு சாமி தரிசனம் செய்யலாம்.

சூரசம்ஹாரம், திருக்கல்யாண விழாவை முன்னிட்டு, திருச்செந்தூரில் 2 ஆயிரத்துக்கு மேற்பட்ட போலீசார் பாதுகாப்பு பணியில் ஈடுபட்டுள்ளனர். திருச்செந்தூரில் போக்குவரத்து மாற்றம் செய்யப்படவில்லை. திருச்செந்தூரில் 7 இடங்களிலும், மாவட்ட எல்லைகளில் 15 இடங்களிலும் என மொத்தம் 22 இடங்களில் சோதனைச்சாவடிகள் அமைக்கப்பட்டுள்ளது. திருச்செந்தூருக்கு வரும் வெளியூர் பக்தர்கள் திருப்பி அனுப்பப்படுவார்கள்.

இவ்வாறு அவர் கூறினார்.

திருச்செந்தூர் உதவி போலீஸ் சூப்பிரண்டு ஹர்ஷ் சிங், கோவில் போலீஸ் இன்ஸ்பெக்டர் ஞானசேகரன், போக்குவரத்து போலீஸ் சப்-இன்ஸ்பெக்டர் வேல்முருகன் மற்றும் போலீசார் உடன் இருந்தனர்.


தொடர்புடைய செய்திகள்

1. அரசு சிமெண்டு ஆலையில் நிரந்தர பணி கேட்ட ஆனந்தவாடி கிராம மக்களின் கோரிக்கைகள் பரிசீலிக்கப்படும் அமைச்சர் தகவல்
அரியலூர் அரசு சிமெண்டு ஆலைக்கு ஆனந்தவாடி கிராமத்தில் இருந்து சுண்ணாம்புக்கல் எடுப்பதற்காக, அந்த கிராம மக்களுடனான ஆலோசனை கூட்டம் அரியலூர் கலெக்டர் அலுவலகத்தில் நேற்று நடந்தது.
2. புதுக்கோட்டை மாவட்டத்தில் சிறு தானியங்கள் 1½ லட்சம் எக்டேரில் சாகுபடி கலெக்டர் தகவல்
புதுக்கோட்டை மாவட்டத்தில் சிறுதானியங்கள் 1½ லட்சம் எக்டேரில் சாகுபடி செய்யப்பட்டுள்ளதாக கலெக்டர் உமாமகேஸ்வரி தெரிவித்தார்.
3. வடகிழக்கு பருவமழை: டெங்கு காய்ச்சல் தடுப்பு பணிகள் தீவிரம் கலெக்டர் ராமன் தகவல்
வடகிழக்கு பருவமழை பெய்து வருவதால் சேலம் மாவட்டத்தில் டெங்கு காய்ச்சல் தடுப்பு பணிகள் தீவிரமாக மேற்கொள்ளப்பட்டு வருவதாக கலெக்டர் ராமன் கூறினார்.
4. கூட்டுக்குடிநீர் திட்ட அடிக்கல் நாட்டு விழா: முதல்-அமைச்சர் 4-ந்தேதி மதுரை வருகை அமைச்சர் ஆர்.பி. உதயகுமார் தகவல்
ரூ.1200 கோடி மதிப்பிலான கூட்டுக்குடிநீர் திட்டத்திற்கு அடிக்கல் நாட்ட முதல்-அமைச்சர் எடப்பாடி பழனிசாமி வருகிற 4-ந்தேதி மதுரை வருகிறார் என்று அமைச்சர் ஆர்.பி.உதயகுமார் கூறினார்.
5. குமாரபாளையம் தாலுகாவில் 14,196 பேருக்கு முதியோர் உதவித்தொகை அமைச்சர் தங்கமணி தகவல்
குமாரபாளையம் தாலுகாவில் 14,196 பேருக்கு மாதந்தோறும் ரூ.1,000 வீதம் முதியோர் உதவித் தொகை வழங்கப்பட்டு வருவதாக அமைச்சர் தங்கமணி கூறினார்.

அதிகம் வாசிக்கப்பட்டவை