டெல்டாவில் மேலும் 60 பேருக்கு கொரோனா ஒரே நாளில் 97 பேர் குணமடைந்து வீடு திரும்பினர்

தஞ்சாவூர்,

தஞ்சை மாவட்டத்தில் நேற்று மேலும் 21 பேருக்கு கொரோனா தொற்று உறுதி செய்யப்பட்டது. இதன் மூலம் மாவட்டத்தில் பாதிக்கப்பட்டோர் எண்ணிக்கை 16 ஆயிரத்து 659 ஆக உயர்ந்துள்ளது. நேற்று 43 பேர் குணம் அடைந்து வீடு திரும்பினர். தற்போது 176 பேர் சிகிச்சை பெற்று வருகிறார்கள். மாவட்டத்தில் இதுவரை கொரோனாவுக்கு 229 பேர் பலியாகி உள்ளனர்.

திருவாரூர் மாவட்டத்தில் நேற்று மேலும் 18 பேருக்கு தொற்று உறுதி செய்யப்பட்டது. இதனால் பாதிக்கப்பட்டோரின் எண்ணிக்கை 10,620 ஆக உயர்ந்துள்ளது. 21 பேர் குணமடைந்து வீடு திரும்பினர். மாவட்டத்தில் இதுவரை 107 பேர் கொரோனாவுக்கு பலியாகி உள்ளனர். தற்போது 127 பேர் சிகிச்சை பெற்று வருகின்றனர்.

60 பேருக்கு தொற்று

நாகை மாவட்டத்தில் நேற்று மேலும் 21 பேருக்கு தொற்று உறுதியானது. இதையடுத்து மாவட்டத்தில் பாதிக்கப்பட்டோரின் எண்ணிக்கை 7 ஆயிரத்து 807 ஆக உயர்ந்தது. நேற்று 33 பேர் குணமடைந்து வீடு திரும்பினர். நாகை மாவட்டத்தில் கொரோனாவுக்கு இதுவரை 125 பேர் பலியாகி உள்ளனர். தற்போது வரை 160 பேர் சிகிச்சை பெற்று வருகின்றனர். டெல்டாவில் நேற்று ஒரே நாளில் 60 பேருக்கு தொற்று உறுதி செய்யப்பட்ட நிலையில் 97 பேர் குணமடைந்து வீடு திரும்பினர்.