மாவட்ட செய்திகள்

‘நிலத்தகராறில் கேபிள் டி.வி. ஆபரேட்டரை கொன்றேன்’; கூட்டாளிகளுடன் போலீசில் சரண் அடைந்தவர் வாக்குமூலம் + "||" + 'I killed the Cable operator for land dispute'; surrendered person to the police with his accomplices

‘நிலத்தகராறில் கேபிள் டி.வி. ஆபரேட்டரை கொன்றேன்’; கூட்டாளிகளுடன் போலீசில் சரண் அடைந்தவர் வாக்குமூலம்

‘நிலத்தகராறில் கேபிள் டி.வி. ஆபரேட்டரை கொன்றேன்’; கூட்டாளிகளுடன் போலீசில் சரண் அடைந்தவர் வாக்குமூலம்
நிலத்தகராறில் கேபிள் டி.வி. ஆபரேட்டரை வெட்டிக்கொன்றதாக கூட்டாளிகளுடன் போலீசில் சரண் அடைந்தவர் வாக்குமூலம் அளித்து உள்ளார்.

கேபிள் டி.வி. ஆபரேட்டர் கொலை

சென்னை போரூரை அடுத்த மதனந்தபுரத்தைச் சேர்ந்தவர் பொன்னுரங்கம் (வயது 55). கேபிள் டி.வி. ஆபரேட்டரான இவர், நேற்று முன்தினம் தனது மகன் தானேஸ்வரனுடன் மோட்டார் சைக்கிளில் மதனந்தபுரம் அருகே சென்று கொண்டிருந்தார்.

அப்போது ஆட்டோவில் வந்த மர்ம கும்பல் பொன்னுரங்கத்தை வழிமறித்து சரமாரியாக வெட்டிக்கொலை செய்தது. இதை தடுக்க வந்த அவரது மகனுக்கும் வெட்டு விழுந்தது. படுகாயம் அடைந்த அவர், ஆஸ்பத்திரியில் சிகிச்சை பெற்று வருகிறார்.

இதுபற்றி மாங்காடு போலீசார் வழக்குப்பதிவு செய்து தனிப்படை அமைத்து கொலையாளிகளை தேடி வந்தனர். இதற்கிடையில் இந்த கொலை வழக்கு தொடர்பாக பூந்தமல்லியை சேர்ந்த யாசிம் (45), தனது கூட்டாளிகளான சதாம் உசேன் (25), உமர்பாஷா (31), காதர் பாஷா (48), விக்னேஷ்வரன் (23), முனுசாமி (20), காலா (23), சுரேஷ் (28), அனீபா (28) ஆகியோருடன் குன்றத்தூர் போலீஸ் நிலையத்தில் சரண் அடைந்தார். 9 பேரையும் போலீசார் கைது செய்து விசாரணை நடத்தினர்.

கைதான யாசிம், போலீசாரிடம் அளித்துள்ள வாக்குமூலம் வருமாறு:-

நிலத்தகராறு

மாங்காடு அடுத்த சிக்கராயபுரத்தில் உள்ள ஒரே இடத்தை நானும், பொன்னுரங்கத்தின் உறவினரும் வாங்கி உள்ளோம். அந்த இடம் தங்களுக்குதான் சொந்தம் என்று எங்களுக்குள் தகராறு ஏற்பட்டு வந்தது. நான் இந்த இடம் தொடர்பாக கோர்ட்டில் வழக்கு தொடர்ந்துள்ளேன்.

எங்களுக்குள் பல கட்டமாக பேச்சுவார்த்தை நடந்தும் உடன்பாடு ஏற்படவில்லை. இதற்கிடையில் பொன்னுரங்கம் தரப்பினர் என்னை தீர்த்துக்கட்ட திட்டம் தீட்டினர். இதனால் நான் முந்திக்கொண்டு எனது கூட்டாளிகளுடன் சேர்ந்து பொன்னுரங்கத்தை வெட்டிக்கொலை செய்தேன்.

இவ்வாறு அவர் வாக்குமூலத்தில் கூறி இருப்பதாக போலீசார் தெரிவித்தனர்.

கைதான 9 பேரிடம் இருந்தும் அவர்கள் பயன்படுத்திய பயங்கர ஆயுதம் மற்றும் வாகனங்களை போலீசார் பறிமுதல் செய்து மேலும் விசாரித்து வருகின்றனர்.


தொடர்புடைய செய்திகள்

1. திருவொற்றியூரில் மூதாட்டி சாவு: ‘ஆசைக்கு இணங்க மறுத்ததால் கல்லை போட்டு கொன்றேன்’; கைதான வாலிபர் போலீசில் வாக்குமூலம்
ஆசைக்கு இணங்க மறுத்ததால் மூதாட்டியை கல்லை போட்டு கொலை செய்ததாக கைது செய்யப்பட்ட வாலிபர் வாக்குமூலம் அளித்துள்ளார்.
2. புவனகிரியில் அழுகிய நிலையில் பிணம் மீட்பு: திருமணத்துக்கு வற்புறுத்தியதால் கள்ளக்காதலியை கொன்றேன் கைதான வாலிபர் வாக்குமூலம்
புவனகிரியில் அழுகிய நிலையில் பெண் பிணமாக மீட்கப்பட்ட வழக்கில் வாலிபர் கைது செய்யப்பட்டார். திருமணத்துக்கு வற்புறுத்தியதால் கள்ளக்காதலியை கொன்றதாக அவர் போலீசில் பரபரப்பு வாக்குமூலம் அளித்துள்ளார்.
3. உறவுக்கார பெண்ணிடம் தவறாக நடப்பேன் என்று கூறியதால் “தையல் தொழிலாளியை கழுத்தை அறுத்து கொன்றோம்” கைதான நண்பர் வாக்குமூலம்
உறவுக்கார பெண்ணிடம் தவறாக நடப்பேன் என்று கூறியதால், தையல் தொழிலாளியை கழுத்தை அறுத்து கொன்றோம் என்று கைதான நண்பர் போலீசில் பரபரப்பு வாக்குமூலம் கொடுத்துள்ளார்.
4. 51 வயது பெண்ணை கொன்ற விவகாரம்: சொத்துக்கு ஆசைப்பட்டு திருமணம் செய்து தீர்த்துக்கட்டினேன் கைதான வாலிபர் பரபரப்பு வாக்குமூலம்
களியக்காவிளை அருகே 51 வயது புதுப்பெண் கொலை செய்யப்பட்ட விவகாரத்தில் சொத்துக்கு ஆசைப்பட்டு திருமணம் செய்து கொலை செய்ததாக கைதான வாலிபர் பரபரப்பு வாக்குமூலம் கொடுத்துள்ளார்.
5. மீனவரை கொன்ற வழக்கில் 2 பேர் கோவையில் சரண்; அடைக்கலம் கொடுத்தவரும் கைது செய்யப்பட்டார்
மீனவர் கொலை வழக்கில் 2 பேர் கோவையில் சரண் அடைந்தனர். அவர்களுக்கு அடைக்கலம் கொடுத்தவரும் கைது செய்யப்பட்டார்.