மாவட்ட செய்திகள்

கனமழையால் பாதிக்கப்பட்ட விவசாயிகளுக்கு உரிய நிவாரணம் கிடைக்க நடவடிக்கை + "||" + Measures to make relief available to farmers affected by heavy rains

கனமழையால் பாதிக்கப்பட்ட விவசாயிகளுக்கு உரிய நிவாரணம் கிடைக்க நடவடிக்கை

கனமழையால் பாதிக்கப்பட்ட விவசாயிகளுக்கு உரிய நிவாரணம் கிடைக்க நடவடிக்கை
கனமழையால் பாதிக்கப்பட்ட விவசாயிகளுக்கு உரிய நிவாரணம் கிடைக்க நடவடிக்கை எடுக்கப்படும் என வேளாண்மை உற்பத்தி ஆணையர் ககன்தீப்சிங்பேடி கூறினார்.
திருவாரூர்,

திருவாரூர் மாவட்டத்தில் கனமழையால் பாதிக்கப்பட்ட நெற்பயிர்களை வேளாண்மை உற்பத்தி ஆணையர் மற்றும் அரசு முதன்மை செயலாளர் ககன்தீப்சிங்பேடி நேற்று நேரில் பார்வையிட்டு ஆய்வு செய்தார்.

திருவாரூர் அருகே உள்ள வடகாடு, வடகாடுகோவிலூர், கள்ளிக்குடி, அம்மனூர், கோட்டூர், நெடுவகோட்டை உள்ளிட்ட இடங்களில் நடந்த ஆய்வின்போது பாதிப்பு குறித்த விவரங்களை அதிகாரிகள் மற்றும் விவசாயிகளிடம் ககன்தீப்சிங்பேடி கேட்டறிந்தார்.


பின்னர் அவர் கூறியதாவது:-

நிவாரணம் கிடைக்க நடவடிக்கை

திருவாரூர் மாவட்டத்தில் 1 லட்சத்து 47 ஆயிரம் எக்டேர் பரப்பளவில் சம்பா, தாளடி சாகுபடி செய்யப்பட்டது. புரெவி, நிவர் புயல் காரணமாக பெய்த கன மழையினால் பாதிக்கப்பட்ட 96 ஆயிரத்து 165 எக்டேர் சம்பா, தாளடி பயிர்களுக்கு நிவாரணம் வழங்கப்பட்டுள்ளது.

இந்த மாதம் (ஜனவரி) பெய்த கனமழையினால் 51 ஆயிரத்து 3 எக்டேர் பரப்பளவில் நெற்பயிர்கள் பாதிக்கப்பட்டிருப்பதாக இதுவரை கணக்கெடுக்கப்பட்டுள்ளது.

இதுதொடர்பான கணக்கெடுப்பு பணிகள் விரைவாக முடித்து, பாதிக்கப்பட்ட விவசாயிகளுக்கு உரிய நிவாரணம் கிடைக்க அரசு நடவடிக்கை எடுக்கும்.

இவ்வாறு அவர் கூறினார்.

ஆய்வின்போது மாவட்ட கலெக்டர் சாந்தா, மாவட்ட வருவாய் அதிகாரி பொன்னம்மாள், வேளாண்மை துறை இணை இயக்குனர் சிவகுமார், உதவி கலெக்டர் புண்ணியகோட்டி, கலெக்டரின் நேர்முக உதவியாளர் (வேளாண்மை) ஹேமா ஹெப்சிபா நிர்மலா ஆகியோர் உடன் இருந்தனர்.

தொடர்புடைய செய்திகள்

1. கனமழையால் பாதிக்கப்பட்ட பயிர்களுக்கு விரைவில் நிவாரணம்
கடலூர் மாவட்டத்தில் கனமழையால் பாதிக்கப்பட்ட பயிர்களுக்கு விரைவில் நிவாரணம் வழங்கப்படும் என வேளாண்மை துறை முதன்மை செயலாளர் ககன்தீப்சிங் பேடி தெரிவித்துள்ளார்.
2. ஜம்முவில் போருக்கான ஆயுதங்கள் பறிமுதல்; இந்திய ராணுவம் நடவடிக்கை
ஜம்முவில் சீன பிஸ்டல்கள், எறிகுண்டுகள் உள்ளிட்ட போருக்கான ஆயுதங்களை இந்திய ராணுவம் கைப்பற்றி உள்ளது.
3. சென்னையில் நாள் ஒன்றுக்கு 12 ஆயிரம் பேருக்கு தடுப்பூசி செலுத்த நடவடிக்கை
சென்னையில் நாள் ஒன்றுக்கு 12 ஆயிரம் பேருக்கு கொரோனா தடுப்பூசி செலுத்த நடவடிக்கை எடுக்க வேண்டும் என அதிகாரிகளுக்கு சுகாதாரத்துறை செயலாளர் டாக்டர் ஜெ.ராதாகிருஷ்ணன் உத்தரவிட்டுள்ளார்.
4. வண்ணாரப்பேட்டை- திருவொற்றியூர் இடையே பாதுகாப்பு கமிஷனரின் ஆய்வு பணி நிறைவு விரைவில் ரெயில் இயக்க மெட்ரோ நிர்வாகம் நடவடிக்கை
வண்ணாரப்பேட்டை-திருவொற்றியூர் விம்கோ நகர் இடையே 80 கிலோ மீட்டர் வேகத்தில் மெட்ரோ ரெயிலை ஓட்டி பார்த்து ஆய்வுபணியை நேற்றுடன் பாதுகாப்பு கமிஷனர் நிறைவு செய்தார். இந்த பாதையில் விரைவில் ரெயிலை இயக்க நடவடிக்கை எடுத்து வருவதாக மெட்ரோ ரெயில் நிர்வாகம் தெரிவித்துள்ளது.
5. நிவாரணம் வழங்க வலியுறுத்தி அருப்புக்கோட்டையில் விவசாயிகள் ஆர்ப்பாட்டம்
நிவாரணம் வழங்க வலியுறுத்தி அருப்புக்கோட்டையில் விவசாயிகள் ஆர்ப்பாட்டத்தில் ஈடுபட்டனர்.