மாற்றுத்திறனாளிகள் போராட்டம்

காஞ்சீபுரம், 

தமிழ்நாடு அனைத்து வகை மாற்றுத்திறனாளிகள் மற்றும் பாதுகாப்போர் உரிமைகளுக்கான சங்கத்தின் சார்பில் காஞ்சீபுரம் தாலுகா அலுவலகத்தில் குடியேறும் போராட்டம் நடைபெற்றது. இதில் 200-க்கும் மேற்பட்ட மாற்றுத்திறனாளிகள் கலந்து கொண்டனர்.

மாற்றுத்திறனாளிகளுக்கு வழங்கப்படும் மாதாந்திர உதவித்தொகை ரூ.3 ஆயிரம் வழங்க வேண்டும், ஊனமுற்ற மாற்றுத்திறனாளிகளுக்கு ரூ.5 ஆயிரமாக அதிகரித்து வழங்க வேண்டும். காஞ்சீபுரத்தில் உள்ள 9 மாவட்டத்திற்கான ஒருங்கிணைந்த காதுகேளாதோர் உயர்நிலை பள்ளியை மேல்நிலைப்பள்ளியாக தரம் உயர்த்த வேண்டும், தனியார் துறையிலும் மாற்றுத்திறனாளிகள் உரிமை சட்டம் 2016-ன் படி 5 சதவீத வேலைவாய்ப்பை உத்தரவாதப்படுத்த சிறப்பு சட்டம் இயற்ற வேண்டும் என்பது உள்ளிட்ட கோரிக்கைகளை வலியுறுத்தி மாற்றுத்திறனாளிகள் போராட்டத்தில் ஈடுபட்டனர். இதுபோல் கடந்த 9-ந்தேதி இவர்கள் குடியேறும் போராட்டத்தில் ஈடுபட்டனர் என்பது குறிப்பிடத்தக்கது.