செங்கல்பட்டு மாவட்டத்தில் திடீர் உயர்வு: கொரோனா தொற்றுக்கு ஒரே நாளில் 81 பேர் பாதிப்பு

வண்டலூர்,

செங்கல்பட்டு மாவட்டத்தில் நேற்று 81 பேர் கொரோனா தொற்றால் பாதிக்கப்பட்டனர். மாவட்டம் முழுவதும் இதுவரை பாதிக்கப்பட்டோர் எண்ணிக்கை 53 ஆயிரத்து 673 ஆக உயர்ந்துள்ளது. இவர்களில் 52 ஆயிரத்து 451 பேர் சிகிச்சை பெற்று வீடு திரும்பினர். இதுவரை மாவட்டத்தில் கொரோனா தொற்றால் 794 பேர் உயிரிழந்துள்ளனர்.

திருவள்ளூர் மாவட்டத்தில் நேற்று கொரோனா வைரசால் 44 பேர் பாதிப்படைந்தனர். மாவட்டம் முழுவதும் இதுவரையில் 44 ஆயிரத்து 687 பேர் பாதிக்கப்பட்டுள்ளனர். அவர்களில் 43 ஆயிரத்து 684 பேர் மருத்துவமனையில் சிகிச்சை பெற்று வீடு திரும்பியுள்ளனர். இதுவரையில் திருவள்ளூர் மாவட்டத்தில் கொரோனா வைரஸ் பாதிப்பால் 701 பேர் இறந்துள்ளனர்.

காஞ்சீபுரம் மாவட்டத்தில் நேற்று 22 பேர் கொரோனா தொற்றால் பாதிக்கப்பட்டனர். மாவட்டம் முழுவதும் இதுவரை பாதிக்கப்பட்டோர் எண்ணிக்கை 29 ஆயிரத்து 755 ஆக உயர்ந்துள்ளது. இதுவரை காஞ்சீபுரம் மாவட்டத்தில் கொரோனா தொற்றால் 449 பேர் உயிரிழந்துள்ளனர். 155 பேர் ஆஸ்பத்திரியில் சிகிச்சை பெற்று வருகின்றனர்.