மாவட்ட செய்திகள்

சென்னை விமான நிலையத்தில் கொல்கத்தா செல்ல வந்த 3 பயணிகளுக்கு கொரோனா தொற்று + "||" + Corona infection in 3 passengers on their way to Kolkata at Chennai Airport

சென்னை விமான நிலையத்தில் கொல்கத்தா செல்ல வந்த 3 பயணிகளுக்கு கொரோனா தொற்று

சென்னை விமான நிலையத்தில் கொல்கத்தா செல்ல வந்த 3 பயணிகளுக்கு கொரோனா தொற்று
சென்னை விமான நிலையத்தில் பெங்களூரு வழியாக கொல்கத்தா செல்ல வந்த 3 பயணிகளுக்கு கொரோனா தொற்று இருப்பது தெரிந்ததால் அவர்களின் பயணத்தை ரத்து செய்து ஆஸ்பத்திரியில் அனுமதிக்கப்பட்டனர்.
ஆலந்தூர், 

சென்னை மீனம்பாக்கம் உள்நாட்டு விமான நிலையத்தில் இருந்து பெங்களூரு செல்லும் விமானத்தில் 65 பயணிகள் பயணம் செய்ய இருந்தனர். அவர்களின் மருத்துவ சான்றிதழ்களை விமான நிறுவன அதிகாரிகள் பரிசோதித்தனர்.

அப்போது மேற்கு வங்காள மாநிலத்தை சோ்ந்த 3 ஆண் பயணிகள், பெங்களூரு வழியாக கொல்கத்தா செல்ல வந்து இருந்தனா். சென்னையில் கட்டிட தொழிலாளா்களாக பணியாற்றி வந்்த அவர்கள், கொரோனா அதிகரிப்பு காரணமாக சொந்த ஊா் திரும்ப வந்திருந்தனர்.

3 பேருக்கு கொரோனா

அவர்கள் 3 பேரின் மருத்துவ சான்றிதழ்களை பரிசோதித்தபோது, 3 பேருக்கும் கொரோனா தொற்று இருந்ததை கண்டு அதிர்ச்சி அடைந்தனர். இதையடுத்து 3 பேரின் பயணத்தையும் அதிகாரிகள் ரத்து செய்தனா்.ஆனால் 3 பயணிகளும் அதிகாரிகளிடம் வாக்குவாதம் செய்தனா். “நாங்கள் எங்களுடைய மாநிலத்துக்கு சென்று சிகிச்சை பெற்று கொள்கிறோம். எங்களை விமானத்தில் பயணிக்க அனுமதியுங்கள்” என்றனா்.

ஆனால் அதிகாரிகள் உறுதியாக மறுத்துவிட்டனா். அதோடு விமான நிலைய மருத்துவக்குழுவினருக்கும் தகவல் கொடுத்தனா்.

ஆஸ்பத்திரியில் அனுமதி

விமான நிலைய மருத்துவக்குழுவினா் விரைந்து வந்து 3 பேருக்கும் கொரோனா பாதுகாப்பு கவச உடைகள் அணிய செய்து தனி ஆம்புலன்ஸ் மூலம் சென்னை ராஜீவ்காந்தி அரசு ஆஸ்பத்திரிக்கு அனுப்பி வைத்தனா்.

பின்னர் சென்னை உள்நாட்டு விமான நிலையம் புறப்பாடு பகுதி முழுவதும் கிருமிநாசினி மருந்து தெளித்து சுத்தப்படுத்தினா்.

சென்னை விமான நிலையத்தில் ஒரே நேரத்தில் கொரோனா வைரஸ் நோயால் பாதிக்கப்பட்ட 3 பயணிகள் கண்டுபிடிக்கப்பட்ட சம்பவம் பெரும் பரபரப்பை ஏற்படுத்தியது.

தொடர்புடைய செய்திகள்

1. கோவை, ஈரோடு மாவட்டங்களில் பாதிப்பு அதிகம்: தமிழகத்தில் 6,162 பேருக்கு கொரோனா
தமிழகத்தில் நேற்று கோவை, ஈரோடு மாவட்டங்களில் மட்டும் பாதிப்பு அதிகமாக இருந்தது. மேலும் ஒரே நாளில் 6,161 பேருக்கு கொரோனா உறுதி செய்யப்பட்டுள்ளது.
2. கொரோனா 3-வது அலை குழந்தைகளை தாக்கினால் கண்டறிவது எப்படி?-டீன் ரேவதி தகவல்
கொரோனா 3-வது அலை குழந்தைகளை தாக்கினால் கண்டறிவது எப்படி? என்பது குறித்து டீன் ரேவதி தகவல் தெரிவித்து உள்ளார்.
3. கொரோனாவுக்கு ஒருவர் பலி
அரியலூர் மாவட்டத்தில் கொரோனாவுக்கு ஒருவர் உயிரிழந்தார்.
4. புதிதாக 80 பேருக்கு தொற்று
கரூர் மாவட்டத்தில் கொரோனா பாதிப்பு குறைய தொடங்கியது. இதில், புதிதாக 80 பேருக்கு தொற்று ஏற்பட்டுள்ளது.
5. சென்னையிலும் பரவிய டெல்டா ப்ளஸ் கொரோனா; நர்சுக்கு பாதிப்பு
சென்னையில் நர்சு ஒருவருக்கு டெல்டா ப்ளஸ் கொரோனா பாதிப்பு கண்டறியப்பட்டு இருப்பது அதிர்ச்சி ஏற்படுத்தி உள்ளது.