கொரோனா தொற்றுக்கு ஒரே நாளில் 1,511 பேர் பாதிப்பு 20 பேர் பலி

திருவள்ளூர்,

திருவள்ளூர் மாவட்டத்தில் கொரோனா வைரஸ் 2-வது அலை தொற்று கடந்த 20 நாட்களுக்கும் மேலாக வேகமாக பரவி அதிக அளவில் பாதிப்பையும் பலி எண்ணிக்கையும் வாங்கி வருகிறது.

இந்த நிலையில் நேற்று திருவள்ளூர் மாவட்டத்தில் 1,511 பேர் கொரோனா வைரசால் பாதிக்கப்பட்டு உள்ளனர். இதுவரையில் மாவட்டம் முழுவதும் 91 ஆயிரத்து 238 பேர் பாதிக்கப்பட்டுள்ளனர். அவர்களில் 77 ஆயிரத்து 989 பேர் மருத்துவமனையில் சிகிச்சை பெற்று வீடு திரும்பியுள்ளனர்.

12 ஆயிரத்து 95 பேர் மருத்துவமனையில் சிகிச்சை பெற்று வருகின்றனர். திருவள்ளூர் மாவட்டம் முழுவதும் இதுவரையில் 1,154 பேர் கொரோனா வைரஸ் பாதிப்பால் இறந்துள்ளனர். நேற்று ஒரே நாளில் மாவட்டம் முழுவதும் 20 பேர் இறந்து உள்ளனர்.