எழும்பூர் ரெயில் நிலையத்தில்ஆயிரம் கிலோ ரேஷன் அரிசி பறிமுதல் ஒடிசாவுக்கு கடத்த முயன்றவர் கைது

சென்னை,

சென்னை எழும்பூர் ரெயில் நிலையத்தில் ரேஷன் அரிசியை கடத்துவதாக குடிமைப்பொருள் வழங்கல் குற்றப்புலனாய்வுத்துறை போலீசாருக்கு ரகசிய தகவல் கிடைத்தது. இதையடுத்து எழும்பூர் ரெயில் நிலையம் வந்த போலீசார், 5-வது நடைமேடையில் 10-க்கும் மேற்பட்ட மூட்டைகளில் கிடந்த ஆயிரம் கிலோ ரேஷன் அரிசியை பறிமுதல் செய்தனர்.

அரிசியை கடத்த முயன்ற புளியந்தோப்பு பகுதியை சேர்ந்த பாலாஜி என்பவரை பிடித்து விசாரித்ததில், அந்த ரேஷன் அரிசியை ஒடிசா மாநிலத்துக்கு கடத்தி செல்ல இருந்தது தெரியவந்தது. அவரை போலீசார் கைது செய்து குண்டர் சட்டத்தில் சிறையில் அடைத்தனர்.