விபத்தில் மினிவேன் டிரைவர் பலி

திருமங்கலம்

திருமங்கலம் அருகே உள்ள தும்மக்குண்டு கிராமத்தைச் சேர்ந்தவர் கிஷோர் (வயது 26). இவருடைய நண்பர் கதிரேசன் (19). இவர்கள் இருவரும் குடிநீர் மினி வேன் டிரைவர்கள். இவர்கள் நேற்று திருமங்கலத்திலிருந்து உசிலம்பட்டிக்கு சென்றுவிட்டு மீண்டும் திருமங்கலம் நோக்கி வந்து கொண்டிருந்தனர். திருமங்கலம்-உசிலம்பட்டி ரோடு ஆலமரம் பஸ் நிறுத்தம் அருகே வந்தபோது, மோட்டார் சைக்கிள் நிலைதடுமாறி அருகில் இருந்த மரத்தின் மீது மோதியது. இதில் இருவரும் படுகாயமடைந்து ஆபத்தான நிலையில் உயிருக்கு போராடிக் கொண்டிருந்தனர். அருகில் இருந்தவர்கள் உதவியுடன் 108 ஆம்புலன்ஸ் மூலம் உசிலம்பட்டி அரசு மருத்துவமனையிள் சிகிச்சைக்கு சேர்க்கப்பட்டனர். ஆனால் கிஷோர் சிகிச்சை பலனின்றி இறந்தார். படுகாயமடைந்த கதிரேசன் தொடர்ந்து சிகிச்சை பெற்று வருகிறார். சிந்துபட்டி போலீசார் இது குறித்து விசாரணை நடத்தி வருகின்றனர்.