மதுரை

அலங்காநல்லூர் பகுதியைச் சேர்ந்தவர் நவீன்குமார். சம்பவத்தன்று இவர் தனக்கு சொந்தமான மோட்டார் சைக்கிளை திலகர் திடல் பகுதியில் நிறுத்தி வைத்திருந்தார். மீண்டும் அவர் திரும்பி வந்து பார்த்தபோது அங்கு நிறுத்தப்பட்டிருந்த மோட்டார் சைக்கிளை வெற்றிவேல்(வயது 26) என்பவர் திருடியது தெரியவந்தது. இதனை தொடர்ந்து திலகர்திடல் போலீசில் நவீன்குமார் புகார் அளித்த புகாரின்பேரில் வழக்குப்பதிவு செய்த போலீசார், வெற்றிவேலை கைது செய்து மோட்டார் சைக்கிளை பறிமுதல் செய்தனர். இதுபோல் அண்ணாநகர் பகுதியில் மோட்டார் சைக்கிள் திருட்டில் ஈடுபட்ட குருபாண்டி(25) என்பவரையும் போலீசார் கைது செய்து அவரிடம் இருந்த மோட்டார் சைக்கிளை பறிமுதல் செய்தனர்.