பள்ளிவாசல்களில் சிறப்பு தொழுகை

முஸ்லிம்கள் கொண்டாடப்படும் முக்கிய பண்டிகைகளில் பக்ரீத் பண்டிகையும் ஒன்று. இந்த பக்ரீத் பண்டிகை நேற்று உலகம் முழுவதும் கொண்டாடப்பட்டது. கொரோனா பாதிப்பு காரணமாக பக்ரீத் பண்டிகை எளிமையாக கொண்டாடப்பட்டது.
காரைக்குடி காட்டுத்தலைவாசல் பகுதியில் உள்ள பள்ளிவாசலில் காலை 7.15 மணிக்கு தமிழ்நாடு தவ்ஹீத் ஜமாத் சார்பில் நடைபெற்ற பக்ரீத் பண்டிகை சிறப்பு தொழுகையில் ஏராளமான முஸ்லிம்கள் கலந்துகொண்டனர். மேலும் அந்த பகுதியில் உள்ள வீடுகளின் மாடியில் ஏராளமான முஸ்லிம் பெண்கள் இந்த சிறப்பு தொழுகையில் கலந்துகொண்டனர்.
இதேபோல் திருப்பத்தூரில் பெரிய பள்ளிவாசல், மஜீத்நூர் பள்ளிவாசல், கான்வாநகர் பள்ளிவாசல், அச்சுக்கட்டு பள்ளிவாசல், சமஸ்கான் பள்ளிவாசல், தென்மாப்பட்டு பள்ளிவாசல், மின்நகர் பள்ளிவாசல், புதுப்பட்டி பள்ளிவாசல் ஆகிய இடங்களில் சிறப்பு தொழுகை நடந்தது.
மேலும் சிவகங்கை, சிங்கம்புணரி, தேவகோட்டை, காளையார்கோவில், இளையான்குடி, மானாமதுரை உள்ளிட்ட பகுதியில் உள்ள பள்ளிவாசல்களில் நடைபெற்ற சிறப்பு திருப்பலி நிகழ்ச்சியில் ஏராளமானோர் கலந்துகொண்டனர். தியாக திருநாளையொட்டி ஏழை எளிய மக்களுக்கு பிரியாணி வழங்கப்பட்டது.