<
ஒரு லிட்டர் பெட்ரோல் 102 ஐ நெருங்குகிறது
ஒரு லிட்டர் பெட்ரோல் 102 ஐ நெருங்குகிறது
கோவை
கோவையில் பெட்ரோல் விலை தொடர்ந்து ஏறுமுகமாக உள்ளது. எனவே ஒரு லிட்டர் பெட்ரோல் ரூ.102-ஐ நெருங்குகிறது. இதனால் வாகன ஓட்டிகள் கவலை அடைந்தனர்.
பெட்ரோல் விலை
பெட்ரோல், டீசல் விலையை எண்ணெய் உற்பத்தி நிறுவனங்கள் நிர்ணயம் செய்து வருகின்றன. இந்தியாவில் கடந்த சில மாதங்களாக பெட்ரோல், டீசல் விலை கிடுகிடுவென உயர்ந்து வருகிறது.
கோவை மாவட்டத்தில் ஒரு லிட்டர் பெட்ரோல் விலை அதிகபட்சமாக லிட்டருக்கு 102 ரூபாய் 96 பைசா வரை விற்பனையானது.
இந்த நிலையில் தமிழக அரசு பெட்ரோல் விலையை லிட்டருக்கு ரூ.3 குறைத்து உத்தரவிட்டது.
இதனால் கடந்த ஆகஸ்டு மாதம் 14-ந் தேதி முதல் பெட்ரோல் விலை ரூ.100-க்கும் கீழ் சென்று 99 ரூபாய் 96 பைசா வரை விற்பனை ஆனது. இது வாகன ஓட்டிகளுக்கு சற்று ஆறுதல் அளித்தது.
வாகன ஓட்டிகள் கவலை
ஆனாலும் பெட்ரோல், டீசல் விலையை எண்ணெய் உற்பத்தி நிறுவனங்கள் தொடர்ந்து உயர்த்தி வருகின்றன.
இதன்காரணமாக கோவையில் கடந்த 1-ந் தேதி பெட்ரோல் விலை உயர்ந்து ஒரு லிட்டர் பெட்ரோல் 100 ரூபாய் 5 காசுக்கு விற்பனையானது.
கோவையில் நேற்று முன்தினம் ஒரு லிட்டர் பெட்ரோல் 101 ரூபாய் 45 காசுகளுக்கு விற்பனை செய்யப்பட்டது. ஒரு லிட்டர் டீசல் 94 ரூபாய் 13 காசு வரை விற்பனையானது.
இந்த நிலையில் பெட்ரோல் விலை லிட்டருக்கு 26 காசுகள் உயர்ந்து நேற்று ஒரு லிட்டர் 101 ரூபாய் 74 காசுக்கு விற்பனையானது. ஒரு லிட்டர் டீசல் 97 ரூபாய் 46 பைசாவுக்கு விற்பனை செய்யப்பட்டது.
கோவையில் பெட்ரோல் விலை லிட்டருக்கு ரூ.102-ஐ நெருங்கி ஏறுமுகமாக இருப்பதால் வாகன ஓட்டிகள் கவலை அடைந்து உள்ளனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
