காஞ்சீபுரத்தில் பட்டப்பகலில் மூதாட்டியிடம் 3 பவுன் தங்க சங்கிலி பறிப்பு

காஞ்சீபுரம் பாண்டவ பெருமாள் கோவில் வடக்கு மாட வீதியில் வசிப்பவர் யசோதா அம்மாள் (வயது 62). இவர் அதே பகுதியில் உள்ள ரேஷன் கடைக்கு பொருட்கள் வாங்க நடந்து சென்று கொண்டிருந்தார்.அப்போது மோட்டார் சைக்கிளில் வந்த 2 பேர் மூதாட்டி கழுத்தில் அணிந்திருந்த 3 பவுன் தங்க சங்கிலியை திடீரென பறித்து சென்றனர். இதில் மூதாட்டி கூச்சலிடவே பொதுமக்கள் வருவதற்குள் அங்கிருந்து அந்த நபர்கள் தப்பிச் சென்றனர். இந்த சம்பவம் குறித்து மூதாட்டி யசோதா அம்மாள் பெரிய காஞ்சீபுரம் போலீசில் புகார் செய்தார்.