<
சிறுமிகளை திருமணம் செய்த சிறுவன் உள்பட 2 பேர் போக்சோவில் கைது
சிறுமிகளை திருமணம் செய்த சிறுவன் உள்பட 2 பேர் போக்சோவில் கைது
பொள்ளாச்சி
பொள்ளாச்சி, கோட்டூர் பகுதியில் ஆசைவார்த்தை கூறி சிறுமிகளை திருமணம் செய்த சிறுவன் உள்பட 2 பேரை போலீசார் போக்சோவில் கைது செய்தனர்.
சிறுமியை திருமணம்
பொள்ளாச்சி பகுதியை சேர்ந்தவர் 17 வயது சிறுமி. இவருக்கும் 17 வயது சிறுவனுக்கும் இடையே பழக்கம் ஏற்பட்டது. இந்த பழக்கம் நாளடைவில் காதலாக மாறியது.
இதையடுத்து இருவரும் திருமணம் செய்து கொள்ள முடிவு செய்தனர். இதற்கு பெற்றோர் எதிர்ப்பு தெரிவித்ததாக தெரிகிறது. இதை தொடர்ந்து கடந்த 6 மாதங்களுக்கு முன் இருவரும் திருமணம் செய்து கொண்டு தனியாக வசித்து வந்தனர்.
இதுகுறித்து பொள்ளாச்சி அனைத்து மகளிர் போலீஸ் நிலையத்தில் உறவினர்கள் புகார் கொடுத்தனர். இந்த புகாரின் பேரில் போலீசார் போக்சோ சட்டத்தின் கீழ் வழக்குப்பதிவு செய்து 17 வயது சிறுவனை கைது செய்தனர். இதையடுத்து அவனை கோர்ட்டில் ஆஜர்படுத்தி கோவை சிறுவர் சீர்திருத்த பள்ளியில் அடைக்கப்பட்டான்.
போக்சோவில் வாலிபர் கைது
பொள்ளாச்சி அருகே கோட்டூர் பகுதியில் உள்ள ஒரு கிராமத்தை சேர்ந்தவர் 15 வயது சிறுமி. இவருக்கும் லலித்குமார் (வயது 21) என்ற தொழிலாளிக்கும் இடையே பழக்கம் ஏற்பட்டது. இதையடுத்து அவர்கள் 2 பேரும் செல்போனில் பேசி வந்தனர்.
இந்த பழக்கம் நாளடைவில் காதலாக மாறியது. இதை தொடர்ந்து கடந்த 2 நாட்களுக்கு முன்பு லலித்குமார் ஆசைவார்த்தை கூறி அந்த சிறுமியை வீட்டில் இருந்து அழைத்து சென்று திருமணம் செய்ததாக தெரிகிறது.
இதுகுறித்து சிறுமியன் உறவினர்கள் மகளிர் போலீஸ் நிலையத்தில் புகார் கொடுத்தனர். இதன்பேரில், போலீசார் விசாரணை நடத்தி, சிறுமியை திருமணம் செய்த லலித்குமாரை போக்சோ சட்டத்தின் கீழ் கைது செய்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
