சத்தி மார்க்கெட்டில் மல்லிகைப்பூ கிலோ ரூ.1,645-க்கு ஏலம்

சத்தியமங்கலம்

சத்தியமங்கலத்தில் உள்ள கரட்டூர் ரோட்டில் பூ மார்க்கெட் செயல்பட்டு வருகிறது. இந்த மார்க்கெட்டில் தினமும் காலை 7 மணி முதல் மதியம் 2 மணி வரை பூக்கள் ஏலம் நடைபெறும். அதன்படி நேற்று பூக்கள் ஏலம் நடந்தது. 

இந்த ஏலத்துக்கு சத்தியமங்கலம் மற்றும் அதன் சுற்றுவட்டார பகுதிகளில் இருந்து ஏராளமான விவசாயிகள் 2 டன் பூக்களை ஏலத்துக்காக கொண்டு வந்திருந்தனர். இந்த ஏலத்தில் மல்லிகைப்பூ கிலோ ஒன்று ரூ.1,645-க்கும், முல்லை ரூ.840-க்கும், காக்கடா ரூ.600-க்கும், செண்டுமல்லி ரூ.115-க்கும், பட்டுப்பூ ரூ.160-க்கும், ஜாதிமல்லி ரூ.750-க்கும், கனகாம்பரம் ரூ.900-க்கும், சம்பங்கி ரூ.80-க்கும், அரளி ரூ.400-க்கும், துளசி ரூ.30-க்கும், செவ்வந்தி ரூ.200-க்கும் ஏலம் போனது.