ஈரோடு மாவட்டத்தில் புதிதாக 48 பேருக்கு கொரோனா; முதியவர் பலி

ஈரோடு

ஈரோடு மாவட்டத்தில் நேற்று புதிதாக 48 பேருக்கு கொரோனா தொற்று ஏற்பட்டுள்ளது. இதனால் மாவட்டத்தில் கொரோனாவால் பாதிக்கப்பட்டவர்களின் எண்ணிக்கை 1 லட்சத்து 7 ஆயிரத்து 199 ஆக உயர்ந்தது. நேற்று முன்தினம் மாவட்டத்தில் 6 ஆயிரத்து 338 பேருக்கு பரிசோதனை செய்ததில் 47 பேருக்கு கொரோனா தொற்று இருந்தது குறிப்பிடத்தக்கது.

மேலும் நேற்று பல்வேறு மருத்துவமனைகளில் சிகிச்சை பெற்று வந்த 47 பேர் குணமடைந்து வீடு திரும்பினர். இதுவரை மாவட்டத்தில் 1 லட்சத்து 5 ஆயிரத்து 911 பேர் கொரோனா தொற்றில் இருந்து மீண்டுள்ளனர். இதற்கிடையில் ஈரோடு மாவட்டத்தை சேர்ந்த 78 வயது முதியவர் கொரோனா பாதிப்பு ஏற்பட்டு, சிகிச்சைக்காக ஈரோட்டில் உள்ள தனியார் மருத்துவமனையில் சேர்க்கப்பட்டார். அங்கு டாக்டர்கள் அவருக்கு சிகிச்சை அளித்து வந்தனர். இந்த நிலையில் சிகிச்சை பலனின்றி நேற்று முதியவர் இறந்தார். இதனால் மாவட்டத்தில் கொரோனாவால் இறந்தவர்களின் எண்ணிக்கை 706 ஆக உயர்ந்தது. தற்போது தொற்று உள்ள 582 பேர் பல்வேறு மருத்துவமனைகளில் சிகிச்சை பெற்று வருகிறார்கள்.