காஞ்சீபுரம் மாவட்டம் உத்திரமேரூர் அடுத்த திருமுக்கூடல் பகுதியில் தமிழக அரசால் தடைசெய்யப்பட்ட குட்கா பொருட்கள் கடையில் விற்கப்படுவதாக சாலவாக்கம் போலீஸ் நிலையத்திற்கு ரகசிய தகவல் வந்தது. இதனையடுத்து சப்-இன்ஸ்பெக்டர் செந்தில்குமார், மற்றும் போலீசார் திருமுக்கூடல் பிள்ளையார் கோவில் அருகே சங்தோஷ் என்பவரின் மளிகை கடையில் சோதனை செய்தனர். அப்போது அவரது கடையில் ரூ.1 லட்சம் மதிப்புள்ள குட்கா பொருட்கள் இருப்பதை கண்டுபிடித்தனர்.