பொள்ளாச்சியில் போலீசார் கொடி அணிவகுப்பு

நகர்ப்புற உள்ளாட்சி தேர்தலுக்கான வாக்குபதிவு மாநகராட்சி, நகராட்சி, பேரூராட்சிகளில் நாளை மறுநாள் (சனிக்கிழமை) நடைபெறுகிறது. இந்த நிலையில் தேர்தலையொட்டி பொள்ளாச்சியில் போலீசார் கொடி அணிவகுப்பு நடத்தினர். 

இதை கோவை மாவட்ட கூடுதல் போலீஸ் சூப்பிரண்டு சுகாசினி கொடியசைத்து தொடங்கிவைத்தார். பேரணி காந்தி சிலை, பஸ் நிலையம் வழியாக சென்று தாலுகா போலீஸ் நிலையத்தில் நிறைவடைந்தது. இதில் பொள்ளாச்சி போலீஸ் துணை சூப்பிரண்டு தமிழ்மணி உள்பட போலீசார், ஊர்க்காவல் படையினர் உள்பட 230 பேர் கலந்துகொண்டனர்.