கும்மிடிப்பூண்டி அருகே ஆந்திராவில் இருந்து சொகுசு காரில் 250 கிலோ கஞ்சா கடத்தல்

திருவள்ளூர் மாவட்டம் கும்மிடிப்பூண்டி அடுத்த கவரைப்பேட்டை அருகே சென்னை-கொல்கத்தா தேசிய நெடுஞ்சாலையில், ரகசிய தகவலின் அடிப்படையில் நேற்று இன்ஸ்பெக்டர் பாலசுப்பிரமணி தலைமையில் கவரைப்பேட்டை போலீசார் வாகன சோதனையில் ஈடுபட்டனர். அப்போது ஆந்திராவில் இருந்து சென்னை நோக்கி சென்ற சந்தேகத்திற்கு இடமான ஒரு சொகுசு காரை அவர்கள் மடக்கி நிறுத்தி சோதனை செய்தனர். அந்த காரில் ஆந்திராவில் இருந்து 127 பாக்கெட்டுகளில் மொத்தம் 250 கிலோ கஞ்சா கடத்தப்படுவது தெரியவந்தது.