பிரயாக்ராஜ்,

உத்தரபிரதேச மாநிலம் பிரயாக்ராஜில் (அலகாபாத்) கடந்த ஒரு மாதமாக மகா மேளா நடந்து வருகிறது. நேற்று தை மாத பவுர்ணமி என்பதால், கங்கை, யமுனை, சரஸ்வதி நதிகள் சங்கமிக்கும் திரிவேணி சங்கமத்தில் புனித நீராட பக்தர்கள் குவிந்தனர்.

அதிகாலை 4 மணி முதல் பக்தர்கள் நீராட அனுமதிக்கப்பட்டனர். பிற்பகலுக்குள் சுமார் 20 லட்சம் பக்தர்கள் புனித நீராடியதாக அதிகாரிகள் தெரிவித்தனர். 5 ஆயிரம் போலீசார் பாதுகாப்பு பணியில் ஈடுபட்டனர். ஆற்றில் படகுகளில் ரோந்து பணியில் ஈடுபட்டனர். மகா சிவராத்தியை முன்னிட்டு, இம்மாதம் 18-ந் தேதி புனித நீராடலுடன் மகா மேளா முடிவடைகிறது.