கர்நாடகாவில் 100-க்கும் மேற்பட்ட மாணவர்களால் நீட் தேர்வு எழுத முடியவில்லை - கர்நாடகா முதல்-மந்திரி குமாரசாமி

பெங்களூரு,

நாடு முழுவதும் எம்.பி.பி.எஸ்., பி.டி.எஸ். மருத்துவ படிப்புகளில் 2019-20-ம் ஆண்டு மாணவர் சேர்க்கைக்கான தேசிய தகுதி நுழைவுத்தேர்வை (நீட்) தேசிய தேர்வு முகமை (என்.டி.ஏ.) நடத்துகிறது. இந்த ஆண்டுக்கான " நீட் " தேர்வு, இன்று நாடெங்கும் நடைபெற்றது.

நாடு முழுவதும் 15.19 லட்சம் மாணவர்கள் நீட் நுழைவுத்தேர்வை எழுதினர். தமிழ், ஆங்கிலம், தெலுங்கு, கன்னடம், இந்தி உள்ளிட்ட 11 மொழிகளில் நீட் தேர்வு நடத்தப்பட்டது.

இந்நிலையில் கர்நாடகாவில் 100-க்கும் மேற்பட்ட மாணவர்களால் நீட் தேர்வு எழுத முடியாமல் போனதாக கர்நாடகா முதல்-மந்திரி குமாரசாமி தெரிவித்துள்ளார். இது குறித்த டுவிட்டர் பதிவில், “ஹம்பி எக்ஸ்பிரஸ் ரயில் 7 மணி நேரம் தாமதமாக வந்த காரணத்தால் வட கர்நாடகா மாவட்டங்களில் 100-க்கும் மேற்பட்ட மாணவர்களால் நீட் தேர்வு எழுத முடியாமல் போனது

தேர்வு மையங்களின் கடைசி நேர மாற்றங்களும், சரியான தகவல் பரிமாற்றமின்மையும் இல்லாததால் மாணவர்களிடையே குழப்பத்தை ஏற்படுத்தியது” என்று தெரிவித்துள்ளார்.

Hundreds of students from North Karnataka districts have missed the #NEET Exam being held today at Bengaluru due to a 7-hour delay of the Hampi Express. A last-minute change in the exam centres and lack of proper communication of the same has created confusion among students. .

— CM of Karnataka (@CMofKarnataka) 5 May 2019