தேசிய செய்திகள்

திருமணம் செய்ய மறுத்த காதலர் மீது ஆசிட் வீசிய பெண் + "||" + Delhi Woman Throws Acid On Boyfriend For Refusing To Marry Her: Police

திருமணம் செய்ய மறுத்த காதலர் மீது ஆசிட் வீசிய பெண்

திருமணம் செய்ய மறுத்த காதலர்  மீது ஆசிட் வீசிய பெண்
டெல்லியில் திருமணம் செய்ய மறுத்த காதலர் மீது பெண் ஆசிட் வீசிய சம்பவம் பரபரப்பை ஏற்படுத்தியுள்ளது.
புதுடெல்லி,

தலைநகர் டெல்லியின் விகாஸ்புரி பகுதியில் கடந்த ஜூன் 11 ஆம் தேதி, போலீசாருக்கு புகார் ஒன்று வந்தது. அந்தப் புகாரில் இரு சக்கர வாகனத்தில்  சென்று கொண்டிருந்த ஒரு ஆண் மற்றும் பெண் மீது ஆசிட் வீசப்பட்டதாக கூறப்பட்டது. காதலர்களான இருவர் மீது ஆசிட் வீசியது யாராக இருக்கும் என்று போலீசார் குழம்பிப்போயினர்.

ஆசிட் வீச்சில் முகத்தில் படுகாயம் அடைந்த காதலர் மருத்துவமனையில் அனுமதிக்கப்பட்டு சிகிச்சை பெற்று வந்தார். பின்னால் அமர்ந்து இருந்த பெண்ணுக்கு கையில் மட்டும் லேசான காயம் ஏற்பட்டு இருந்தது. இதனால் சந்தேகம் அடைந்த போலீசார் இருவரிடமும் தீவிர விசாரணை மேற்கொண்டனர். அப்போது,  இருசக்கர வாகனத்தை ஓட்டிச்சென்ற ஆண் அளித்த தகவல் போலீசாருக்கு முக்கிய துப்பாக அமைந்தது. ஆசிட் வீச்சால் பாதிக்கப்படுவதற்கு சில நிமிடங்களுக்கு முன்பு தான், பின்னால் அமர்ந்து பயணித்த காதலியான அந்தப்பெண், ஹெல்மெட்டை கழற்றுமாறு கூறியுள்ளார். ஹெல்மெட்டை கழற்றிய சில நிமிடங்களில் ஆசிட் வீசப்பட்டுள்ளது.

இதனால் சந்தேகம் அடைந்த போலீசார், பின்னால் அமர்ந்து வந்த பெண்ணிடம் தீவிர விசாரணை நடத்தினர். விசாரணையில், ஆசிட் வீசியது நான் தான் என்று அப்பெண் ஒப்புக்கொண்டுள்ளார். சில வருடங்களாக இருவரும் காதலித்து வந்ததாகவும், ஆனால்,  தன்னை திருமணம் செய்து கொள்ள காதலர் மறுத்ததையடுத்து,  ஆத்திரத்தில் ஆசிட் வீசியதாக போலீசாரிடம் வாக்குமூலம் அளித்தார்.  இதையடுத்து, அந்தப்பெண்ணைக் கைது செய்த போலீசார் தீவிர விசாரணை நடத்தி வருகின்றனர். 

தொடர்புடைய செய்திகள்

1. புரோ கபடியில் இறுதிப்போட்டிக்கு முன்னேறுவது யார்? டெல்லி-பெங்களூரு, பெங்கால்-மும்பை அணிகள் இன்று மோதல்
புரோ கபடியில் இறுதிப்போட்டிக்கு முன்னேறுவது யார்? என்பதை நிர்ணயிக்கும் அரைஇறுதி ஆட்டங்களில் தபாங் டெல்லி-பெங்களூரு புல்ஸ், பெங்கால் வாரியர்ஸ்-மும்பை அணிகள் மோதுகின்றன.
2. ஐ.என்.எக்ஸ்.மீடியா வழக்கில் ஜாமீன் கோரிய ப.சிதம்பரத்தின் மனுவை நாளை விசாரிக்கிறது உச்ச நீதிமன்றம்
ஐ.என்.எக்ஸ்.மீடியா வழக்கில் ஜாமீன் கோரிய ப.சிதம்பரத்தின் மனுவை உச்ச நீதிமன்றம் நாளை விசாரிக்கிறது.
3. தேசிய கல்வி கொள்கை குறித்து டெல்லியில் ஆலோசனை - மத்திய, மாநில மந்திரிகள் பங்கேற்பு
தேசிய கல்வி கொள்கை குறித்து டெல்லியில் ஆலோசனை நடைபெற்றது. அதில் மத்திய, மாநில மந்திரிகள் பங்கேற்றனர்.
4. கடனை தள்ளுபடி செய்யக்கோரி டெல்லியில் விவசாயிகள் பேரணி; போக்குவரத்து பாதிப்பு
கடனை தள்ளுபடி செய்யக்கோரி டெல்லியில் விவசாயிகள் நடத்திய பேரணியால் போக்குவரத்து பாதிக்கப்பட்டது.
5. இந்து முன்னணி நிர்வாகிக்கு திருமணம் செய்வதற்காக பெண்ணை தந்தையுடன் கடத்திய 3 பேர் கைது
வையம்பட்டி அருகே இந்து முன்னணி நிர்வாகிக்கு திருமணம் செய்வதற்காக பெண்ணை தந்தையுடன் கடத்திய 3 பேரை போலீசார் கைது செய்தனர்.

ஆசிரியரின் தேர்வுகள்...