தேசிய செய்திகள்

உன்னோவ் வழக்கு விசாரணையை உ.பி.யில் இருந்து மாற்ற உச்ச நீதிமன்றம் முடிவு + "||" + Supreme Court asks CBI officers to appear by 12 pm, inform on status of Unnao teen's rape case and car crash

உன்னோவ் வழக்கு விசாரணையை உ.பி.யில் இருந்து மாற்ற உச்ச நீதிமன்றம் முடிவு

உன்னோவ் வழக்கு விசாரணையை உ.பி.யில்  இருந்து மாற்ற உச்ச நீதிமன்றம் முடிவு
உன்னோவ் வழக்கை விசாரிக்கும் சிபிஐ அதிகாரி இன்று நண்பகல் 12 மணிக்கு ஆஜராக வேண்டும் என்று உச்ச நீதிமன்றம் உத்தரவிட்டுள்ளது.
புதுடெல்லி,

உத்தரபிரதேச மாநிலம் உன்னோவில் சிறுமி ஒருவர் 2017-ம் ஆண்டு ஜூன் மாதம் பாலியல் பலாத்காரம் செய்யப்பட்டார். பா.ஜனதா எம்.எல்.ஏ. குல்தீப் சிங் செங்கார் பாலியல் பலாத்காரம் செய்ததாக சிறுமியின் தரப்பில் குற்றம் சாட்டப்பட்டது. 

காவல் நிலையம் சென்று நியாயம் கிடைக்காத காரணத்தினால் யோகி ஆதித்யநாத் வீடு முன்னதாக சிறுமி தீக்குளிக்க முயன்றார். இதனையடுத்து 2018 ஏப்ரலில் இவ்விவகாரம் வெளியே தெரிய வந்தது. இதுதொடர்பாக கைது நடவடிக்கை மற்றும் விசாரணை தொடர்கிறது. வழக்கில் பா.ஜனதா எம்.எல்.ஏ. குல்தீப் சிங் செங்கார் கடந்த ஆண்டு கைது செய்யப்பட்டார்.

போலீஸ் காவலில் சிறுமியின் தந்தை கொல்லப்பட்டார். இதுதொடர்பாகவும் விசாரணை தொடர்கிறது. இந்நிலையில் அண்மையில் சிறுமி சென்ற கார் ரேபரேலியில் விபத்துக்குள் சிக்கியது. இதில் சிறுமி படுகாயம் அடைந்துள்ளார். அவருக்கு சிகிச்சை அளிக்கப்பட்டு வருகிறது. அவருடன் சென்ற வழக்கறிஞர் மற்றும் உறவுக்கார பெண் விபத்தில் உயிரிழந்துள்ளனர். 

பாலியல் வழக்கில் பாதிக்கப்பட்ட பெண் விபத்தில் சிக்கியது நாடு முழுவதும் பெரும் அதிர்வலைகளை ஏற்படுத்தியுள்ளது.  பாராளுமன்றத்தில் இந்த சம்பவம் எதிரொலித்தது. உச்ச நீதிமன்றமும் இந்த விவகாரத்தை கையில் எடுத்தது.  இதற்கு மத்தியில், உன்னோவ் பாலியல் வழக்கின் நிலை பற்றி சிபிஐ அதிகாரி நண்பகல் 12 மணிக்கு நேரில் ஆஜராகி விளக்கம் அளிக்க வேண்டும் என்று உச்ச நீதிமன்றம் உத்தரவிட்டுள்ளது.

இதையடுத்து, சொலிசிட்டர் ஜெனரல் டி மெஹ்தா தலைமை நீதிபதியிடம்,  வழக்கை விசாரிக்கும் சிபிஐ அதிகாரி லக்னோவில் இருப்பதால்  12 மணிக்கு ஆஜர் ஆவது சாத்தியமில்லை எனவும் வழக்கை நாளைக்கு எடுத்துக்கொள்ள முடியுமா? எனவும் கோரிக்கை விடுத்தார். ஆனால், இந்த வழக்கை நாளைக்கு ஒத்திவைக்க முடியாது என்று தலைமை நீதிபதி மறுத்துவிட்டார். 

உன்னோவ் பாலியல் விவகாரம் தொடர்பான 4 வழக்குகளை உத்தர பிரதேசத்தில் இருந்து டெல்லிக்கு உச்ச நீதிமன்றம் மாற்றலாம் எனவும் தெரிகிறது.

தொடர்புடைய செய்திகள்

1. குலாம் நபி ஆசாத் ஜம்மு காஷ்மீர் செல்ல உச்ச நீதிமன்றம் அனுமதி
காங்கிரஸ் மூத்த தலைவர் குலாம் நபி ஆசாத் ஜம்மு காஷ்மீர் செல்ல உச்ச நீதிமன்றம் அனுமதி அளித்தது.
2. நீதிமன்றத்தை மக்கள் அணுக முடியாத சூழல் உள்ளதா? அறிக்கை கோரியது உச்ச நீதிமன்றம்
நீதிமன்றத்தை மக்கள் அணுக முடியாத சூழல் உள்ளதா? என காஷ்மீர் உயர் நீதிமன்றம் அறிக்கை அளிக்க வேண்டும் என்று உச்ச நீதிமன்றம் தெரிவித்துள்ளது.
3. எஸ்.சி., எஸ்.டி. வன்கொடுமை சட்டம்: மறுஆய்வு செய்யக்கோரிய மனு 3 நீதிபதிகள் கொண்ட அமர்வுக்கு மாற்றம்
எஸ்.சி., எஸ்.டி. வன்கொடுமை சட்டம் குறித்த உச்சநீதிமன்ற உத்தரவை மறுஆய்வு செய்யக்கோரி மத்திய அரசு தாக்கல் செய்த மனுவை 3 நீதிபதிகள் கொண்ட அமர்வுக்கு மாற்றி உச்சநீதிமன்றம் உத்தரவிட்டுள்ளது.
4. ப.சிதம்பரத்தை சி.பி.ஐ. காவலுக்கு அனுப்பிய உத்தரவை எதிர்த்த மனுவுக்கு சி.பி.ஐ பதில் மனு
சிபிஐ காவலுக்கு அனுப்பியதை எதிர்த்து ப.சிதம்பரம் தொடர்ந்த வழக்கில் சிபிஐ தரப்பில் சுப்ரீம் கோர்ட்டில் பதில் மனு தாக்கல் செய்யப்பட்டது.
5. எதிர்க்கட்சி தலைவர்களை குறிவைத்து மத்திய அரசு சி.பி.ஐ.யை தவறாக பயன்படுத்துகிறது - அகிலேஷ் யாதவ்
எதிர்க்கட்சி தலைவர்களை குறிவைத்து மத்திய அரசு சி.பி.ஐ.யை தவறாக பயன்படுத்துகிறது என அகிலேஷ் யாதவ் குற்றம் சாட்டியுள்ளார்.