தேசிய செய்திகள்

தமிழ்நாட்டில் இருந்து கோலாருக்கு கடத்தல்: 2 டன் செம்மரக்கட்டைகள் சிக்கியது - போலீசார் விசாரணை + "||" + Kolar smuggling from Tamil Nadu: Red sanders seized 2 tons - Police investigation

தமிழ்நாட்டில் இருந்து கோலாருக்கு கடத்தல்: 2 டன் செம்மரக்கட்டைகள் சிக்கியது - போலீசார் விசாரணை

தமிழ்நாட்டில் இருந்து கோலாருக்கு கடத்தல்: 2 டன் செம்மரக்கட்டைகள் சிக்கியது - போலீசார் விசாரணை
தமிழ்நாட்டில் இருந்து கோலாருக்கு கடத்தி வரப்பட்ட 2 டன் செம்மரக்கட்டைகள் சிக்கியுள்ளது. இதுதொடர்பாக போலீசார் விசாரணை நடத்தி வருகின்றனர்.
பெங்களூரு,

கோலார் மாவட்டம் மாலூர் பகுதியில் நேற்று காலையில் போலீசார் வாகன சோதனையில் ஈடுபட்டனர். அப்போது அந்த வழியாக ஒரு சரக்கு ஆட்டோ வந்து கொண்டு இருந்தது. இந்த நிலையில் போலீசார் வாகன சோதனையில் ஈடுபடுவதை கவனித்த சரக்கு ஆட்டோவின் டிரைவர், ஆட்டோவை திருப்ப முயன்றார்.


இதனை கவனித்த போலீசார் அந்த சரக்கு ஆட்டோவின் அருகே விரைந்து வந்தனர். போலீசார் வருவதை பார்த்ததும் டிரைவர் சரக்கு ஆட்டோவைஅங்கேயே நிறுத்தி விட்டு தப்பி ஓடிவிட்டார்.

இதன்பின்னர் அந்த சரக்கு ஆட்டோவில் போலீசார் சோதனை செய்தனர். அப்போது அதில் செம்மரக்கட்டைகள் இருந்தன. அந்த செம்மரக்கட்டைகளைதமிழ்நாட்டில் இருந்து கோலாருக்கு சரக்கு ஆட்டோவில் டிரைவர் கடத்தியது தெரியவந்தது. இதையடுத்து கடத்தப்பட்ட செம்மரக்கட்டைகளையும், அதனை கடத்தி வந்த சரக்கு ஆட்டோவையும் போலீசார் பறிமுதல் செய்து கொண்டனர்.

இதுகுறித்து மாலூர் போலீஸ் இன்ஸ்பெக்டர் கூறுகையில், சரக்கு ஆட்டோவில் தமிழ்நாட்டில் இருந்து கோலாருக்கு கடத்தி வந்த 57 செம்மரக்கட்டைகளை பறிமுதல் செய்து உள்ளோம். இந்த செம்மரக்கட்டைகள் 2 டன் எடை கொண்டதாகும். இந்த செம்மரக்கட்டைகளை தமிழ்நாட்டில் இருந்து அனுப்பி வைத்தவர் யார்? என்பது பற்றி தீவிர விசாரணை நடத்தி வருகிறோம். மேலும் தப்பி ஓடிய டிரைவரையும் தேடிவருகிறோம் என்றார்.


தொடர்புடைய செய்திகள்

1. தமிழ்நாட்டில் ஹைட்ரோ கார்பன் திட்டத்துக்கு தடை விதிக்க வேண்டும்: சுப்ரீம் கோர்ட்டில் மனு தாக்கல்
தமிழ்நாட்டில் ஹைட்ரோ கார்பன் திட்டத்தை நிறைவேற்ற தடை விதிக்க வேண்டும் என்று கோரி சுப்ரீம் கோர்ட்டில் மனு தாக்கல் செய்யப்பட்டு உள்ளது.
2. தமிழ்நாட்டில் 11 எம்.எல்.ஏ.க்கள் தகுதி நீக்கத்தில் தாக்கத்தை ஏற்படுத்தும் - சுப்ரீம் கோர்ட்டு தீர்ப்பு குறித்து கபில் சிபல் கருத்து
தமிழ்நாட்டில் 11 எம்.எல்.ஏ.க்கள் தகுதி நீக்கத்தில் தாக்கத்தை ஏற்படுத்தும் என சுப்ரீம் கோர்ட்டு தீர்ப்பு குறித்து கபில் சிபல் கருத்து தெரிவித்துள்ளார்.
3. தமிழ்நாட்டில் உள்ளாட்சி தேர்தல் அறிவிப்பை டிசம்பர் 13-ந் தேதிக்குள் வெளியிட வேண்டும் - மாநில தேர்தல் ஆணையத்துக்கு சுப்ரீம் கோர்ட்டு உத்தரவு
தமிழ்நாட்டில் உள்ளாட்சி தேர்தலுக்கான அறிவிப்பை டிசம்பர் 13-ந் தேதிக்குள் வெளியிட வேண்டும் என்று மாநில தேர்தல் ஆணையத்துக்கு சுப்ரீம் கோர்ட்டு உத்தரவிட்டு உள்ளது.
4. தமிழகத்தில் கனமழை: முன்னெச்சரிக்கை பணிகள் குறித்து எடப்பாடி பழனிசாமி ஆலோசனை
வடகிழக்கு பருவமழை தீவிரம் அடைந்ததையடுத்து முன் எச்சரிக்கை பணிகளை மேற்கொள்வது குறித்து தலைமை செயலகத்தில் முதலமைச்சர் எடப்பாடி பழனிசாமி தலைமையில் ஆலோசனை நடத்தப்பட்டது.
5. தமிழ்நாடு முழுவதும் 2,951 பேருக்கு டெங்கு காய்ச்சலுக்கான சிகிச்சை
தமிழ்நாடு முழுவதும் இதுவரை டெங்கு காய்ச்சல் அறிகுறியுடன் 2951 பேர் சிகிச்சை பெற்று வருவதாக சுகாதாரத்துறை செயலாளர் பீலா ராஜேஷ் தெரிவித்துள்ளார்.