தேசிய செய்திகள்

ஏர்செல் மேக்சிஸ் வழக்கில் முன்ஜாமீனுக்கு எதிராக மனு: ப.சிதம்பரத்துக்கு டெல்லி ஐகோர்ட்டு நோட்டீஸ் + "||" + Petition against Muncel in Aircel Maxis case: Delhi Icorded Notice to PC Chidambaram

ஏர்செல் மேக்சிஸ் வழக்கில் முன்ஜாமீனுக்கு எதிராக மனு: ப.சிதம்பரத்துக்கு டெல்லி ஐகோர்ட்டு நோட்டீஸ்

ஏர்செல் மேக்சிஸ் வழக்கில் முன்ஜாமீனுக்கு எதிராக மனு: ப.சிதம்பரத்துக்கு டெல்லி ஐகோர்ட்டு நோட்டீஸ்
ஏர்செல் மேக்சிஸ் முறைகேடு வழக்கில் முன்ஜாமீன் வழங்கியதை எதிர்த்து தாக்கலான மனு மீது பதில் அளிப்பதற்கு, ப.சிதம்பரம், கார்த்தி சிதம்பரம் ஆகியோருக்கு நோட்டீஸ் அனுப்ப டெல்லி ஐகோர்ட்டு உத்தரவிட்டது.
புதுடெல்லி,

மத்தியில் காங்கிரஸ் தலைமையிலான ஐக்கிய முற்போக்கு கூட்டணி அரசில் ப.சிதம்பரம் மத்திய நிதி மந்திரியாக இருந்தபோது, ஏர்செல் நிறுவன பங்குகளை மலேசியாவைச் சேர்ந்த மேக்சிஸ் நிறுவனத்துக்கு விற்றதில் முறைகேடு நடந்ததாக ப.சிதம்பரம், அவரது மகன் கார்த்தி சிதம்பரம் ஆகியோர் மீது சி.பி.ஐ. மற்றும் அமலாக்கத்துறை வழக்குப்பதிவு செய்துள்ளது.


இந்த வழக்கை விசாரித்த தனிக்கோர்ட்டு நீதிபதி ஓ.பி.சைனி கடந்த மாதம் 5-ந் தேதி ப.சிதம்பரம் மற்றும் கார்த்தி சிதம்பரம் ஆகியோருக்கு முன்ஜாமீன் வழங்கி உத்தரவு பிறப்பித்தார்.

இதை எதிர்த்து டெல்லி ஐகோர்ட்டில் அமலாக்கத்துறை மேல்முறையீடு செய்துள்ளது.

இந்த மனு நீதிபதி சுரேஷ்குமார் கைத் அமர்வில் நேற்று விசாரணைக்கு வந்தது. அமலாக்கத்துறை தரப்பில் சொலிசிட்டர் ஜெனரல் துஷார் மேத்தா ஆஜராகி, “ இந்த வழக்கில் முன்ஜாமீன் வழங்கிய தனிக்கோர்ட்டு நீதிபதி, இதே ஐ.என்.எக்ஸ். மீடியா வழக்கில் சுப்ரீம் கோர்ட்டு வழங்கிய தீர்ப்பை கருத்தில் கொள்ள வில்லை” என்று கூறினார்.

மேலும், “இந்த முறைகேட்டில் தொடர்புடையதாக கூறப்படும் தொகை சிறிய அளவிலானது; குற்றத்தின் தன்மை பெரிய அளவிலானது அல்ல என்ற தவறான அளவுகோலின் அடிப்படையில் அந்த உத்தரவை பிறப்பித்து இருக்கிறார். ஆனால் இந்த முறைகேட்டில் சம்பந்தப்பட்ட தொகை ரூ.3 ஆயிரத்து 500 கோடி அளவிலானது. எனவே கீழ்க்கோர்ட்டின் உத்தரவை தள்ளுபடி செய்ய வேண்டும்” என்றும் வாதிட்டார்.

இதற்கு நீதிபதி, “இதே ஏர்செல் மேக்சிஸ் தொடர்பான வழக்கில் தயாநிதி மாறன் விடுவிக்கப்பட்டதை எதிர்த்து ஒரு மேல்முறையீடு ஐகோர்ட்டில் நிலுவையில் இருக்கிறது. அதுவும் இந்த வழக்கில் தொடர்புடையதாக இருப்பதால், தயாநிதி மாறனுக்கு எதிரான மேல்முறையீட்டு மனுவுடன் இந்த மனுவையும் சேர்த்து விசாரணைக்கு எடுத்துக் கொள்ளப்படும்” என கூறி விசாரணையை அடுத்த மாதம் (நவம்பர்) 29-ந் தேதிக்கு ஒத்திவைத்து உத்தரவிட்டார்.

மேலும், அமலாக்கத்துறை தாக்கல் செய்த மேல்முறையீட்டு மனுவின் மீது பதில் அளிக்க ப.சிதம்பரம், கார்த்தி சிதம்பரம் ஆகியோருக்கு நோட்டீஸ் அனுப்பவும் நீதிபதி உத்தரவிட்டார்.


தொடர்புடைய செய்திகள்

1. நீட் தேர்வில் ஆள்மாறாட்டம் செய்த விவகாரம்; உதித் சூர்யாவுக்கு முன்ஜாமீன் மறுப்பு
நீட் தேர்வில் ஆள்மாறாட்டம் செய்த விவகாரத்தில் உதித் சூர்யாவுக்கு முன்ஜாமீன் மறுக்கப்பட்டு உள்ளது.
2. நீட் தேர்வில் ஆள்மாறாட்டம்: முன்ஜாமீன் கேட்டு மாணவர் உதித்சூர்யா மதுரை ஐகோர்ட்டில் மனு; விரைவில் விசாரணைக்கு வருகிறது
‘நீட்’ தேர்வில் ஆள்மாறாட்டம் செய்ததாக பதிவான வழக்கில் முன்ஜாமீன் கேட்டு, தேனி மருத்துவக்கல்லூரி மாணவர் உதித்சூர்யா மதுரை ஐகோர்ட்டில் மனு தாக்கல் செய்துள்ளார். இந்த மனு விரைவில் விசாரணைக்கு வர உள்ளது.
3. ஏர்செல் மேக்சிஸ் வழக்கு: ப.சிதம்பரம், கார்த்தி சிதம்பரத்தை 3-ந்தேதி வரை கைது செய்ய தடை - சி.பி.ஐ. தனிக்கோர்ட்டு உத்தரவு
ஏர்செல் மேக்சிஸ் வழக்கில் ப.சிதம்பரம் தாக்கல் செய்த முன்ஜாமீன் மனு மீதான விசாரணையில் வருகிற 3-ந்தேதி வரை ப.சிதம்பரம், கார்த்தி சிதம்பரத்தை கைதுசெய்ய தடை விதித்து சி.பி.ஐ. தனிக்கோர்ட்டு நீதிபதி உத்தரவிட்டார்.
4. சர்ச்சைக்குரிய வகையில் பேசக்கூடாது என அறிவுறுத்தல்: டைரக்டர் பா.ரஞ்சித்துக்கு முன்ஜாமீன் மதுரை ஐகோர்ட்டு வழங்கியது
ராஜராஜசோழன் பற்றி சர்ச்சை ஏற்படுத்தும் விதமாக விமர்சித்த சினிமா டைரக்டர் பா.ரஞ்சித்துக்கு முன்ஜாமீன் வழங்கி மதுரை ஐகோர்ட்டு உத்தரவிட்டது.
5. ராஜராஜசோழன் பற்றி சர்ச்சை பேச்சு; மதுரை உயர் நீதிமன்ற கிளையில் பா. ரஞ்சித்திற்கு முன்ஜாமீன்
ராஜராஜசோழன் பற்றி சர்ச்சைக்குரிய வகையில் பேசிய இயக்குனர் பா. ரஞ்சித்திற்கு மதுரை உயர் நீதிமன்ற கிளை முன்ஜாமீன் வழங்கியுள்ளது.

ஆசிரியரின் தேர்வுகள்...