தேசிய செய்திகள்

மத்திய பட்ஜெட்டில் விவசாயிகள் வருவாயை பெருக்கும் அறிவிப்புகளுக்கு வாய்ப்பு + "||" + Opportunity for announcements to boost farmers' income in the federal budget

மத்திய பட்ஜெட்டில் விவசாயிகள் வருவாயை பெருக்கும் அறிவிப்புகளுக்கு வாய்ப்பு

மத்திய பட்ஜெட்டில் விவசாயிகள் வருவாயை பெருக்கும் அறிவிப்புகளுக்கு வாய்ப்பு
விவசாயிகள் வருவாயை பெருக்கும் நடவடிக்கைகள், மத்திய பட்ஜெட்டில் அறிவிக்கப்படும் என்று எதிர்பார்க்கப்படுகிறது.
புதுடெல்லி,

நாடாளுமன்ற பட்ஜெட் கூட்டத்தொடர் நாளை (வெள்ளிக்கிழமை) தொடங்குகிறது. 1-ந் தேதி (சனிக்கிழமை) மத்திய பட்ஜெட் தாக்கல் செய்யப்படுகிறது. மத்திய நிதி மந்திரி நிர்மலா சீதாராமன், பட்ஜெட்டை தாக்கல் செய்கிறார். இதற்காக கடந்த சில வாரங்களாக அவர் பல்வேறு துறைகளின் பிரதிநிதிகளை அழைத்து கருத்து கேட்டறிந்தார்.


இதற்கிடையே, பிரதமர் மோடி ஒரு அறிக்கை வெளியிட்டுள்ளார். அதில், “2022-ம் ஆண்டுக்குள் விவசாயிகளின் வருமானத்தை இரட்டிப்பாக்க விரைவான நடவடிக்கைகளை மத்திய அரசு எடுத்து வருகிறது. வேளாண் தொழில்நுட்பம் அடிப்படையிலான ‘ஸ்டார்ட் அப்’ திட்டங்களுக்கு முன்னுரிமை அளிக்கப்பட்டு வருகிறது” என்று கூறியுள்ளார்.

இதன் மூலம், விவசாயிகளின் வருவாயை பெருக்கும் வகையிலான அறிவிப்புகள், மத்திய பட்ஜெட்டில் இடம்பெறும் என்று எதிர்பார்க்கப்படுகிறது. இதையே பிரதமர் மோடி சூசகமாக உணர்த்தி உள்ளதாக கூறப்படுகிறது.

நாட்டில் பெரும்பாலான விவசாயிகள், கடந்த 2 ஆண்டுகளாக, வறட்சி, பருவம் தவறிய மழை, வெள்ளம் உள்ளிட்டவற்றால் பெரிதும் பாதிக்கப்பட்டுள்ளனர். இதனால், அவர்களின் செலவளிக்கும் திறன் குறைந்துவிட்டது.

அவர்களின் கைகளில் பணம் அதிகமாக புழங்கினால், அவர் களின் வாங்கும் திறன் அதிகரிக்கும். அதன்மூலம், கிராமப்புற பொருளாதாரம் புத்துயிர் அடைவதுடன், ஒட்டுமொத்த உள்நாட்டு உற்பத்தி அதிகரிக் கும் என்று பொருளாதார வல்லுனர்கள் தெரிவிக்கின்றனர்.

இதுகுறித்து சர்வதேச நிதியத்தின் தலைமை பொருளாதார நிபுணர் கீதா கோபிநாத் கூறியதாவது:-

கிராமப்புறங்களில் வாங்கும் திறன் குறைந்ததுதான், ஒட்டுமொத்த உள்நாட்டு உற்பத்தி குறைந்ததற்கு ஒரு காரணம் ஆகும். எனவே, பொருளாதாரத்தை நிலைநிறுத்த கடன் வழங் குவதை அதிகரிப்பதுடன், கிராமப்புறங்களில் செலவளிக் கும் திறனை உயர்த்த வேண்டும்.

இதுதொடர்பான அறிவிப்புகளை பட்ஜெட்டில் வெளியிட வேண்டும். வருமான வரி சலுகையை விட கிராமப்புற வருவாயை பெருக் கும் கொள்கைகள்தான், வாங்கும் திறனை அதிகரிக்க பெரி தும் உதவும். இவ்வாறு அவர் கூறியுள்ளார்.


தொடர்புடைய செய்திகள்

1. பட்ஜெட்டில் மாநிலங்களுக்கான நிதி குறைக்கப்படவில்லை- நிர்மலா சீதாராமன்
பட்ஜெட்டில் மாநிலங்களுக்கான நிதி குறைக்கப்படவில்லை என மத்திய நிதி அமைச்சர் நிர்மலா சீதாராமன் கூறினார்.
2. மத்திய பட்ஜெட் சிறப்பானது என மக்கள் உணர்ந்துள்ளனர் ; பிரதமர் மோடி
மத்திய பட்ஜெட் சிறப்பானது என மக்கள் உணர்ந்துள்ளனர் என்று பாஜக பாராளுமன்றக் குழு கூட்டத்தில் பிரதமர் மோடி பேசினார்.
3. மத்திய பட்ஜெட்: சென்னை-பெங்களூரு அதிவேக நெடுஞ்சாலை திட்டம்
உள்கட்டமைப்பு வசதிகளை மேம்படுத்த ரூ.103 லட்சம் கோடியில் திட்டங்கள் நிறைவேற்றப்படும். சென்னை–பெங்களூரு அதிவேக நெடுஞ்சாலை திட்டம் தொடங்கப்படும். தனியார் பங்களிப்புடன் 150 பயணிகள் ரெயில்கள் விடப்படுகின்றன என மத்திய பட்ஜெட்டில் அறிவிக்கப்பட்டுள்ளது.
4. மத்திய பட்ஜெட்டில் விவசாயி, வியாபாரிகளுக்கு எந்த பயனும் இல்லை - சஞ்சய்தத் குற்றச்சாட்டு
மத்திய பட்ஜெட்டில் விவசாயி, வியாபாரிகளுக்கு எந்த பயனும் இல்லை என்று அகில இந்திய காங்கிரஸ் செயலாளர் சஞ்சய்தத் குற்றம்சாட்டினார்.
5. பட்ஜெட் 2020- வருமான வரிச்சலுகை இருக்குமா?
நாடாளுமன்றத்தில் மத்திய பட்ஜெட்டை நிதி மந்திரி நிர்மலா சீதாராமன் நாளை தாக்கல் செய்கிறார்.