படைகளை குவிக்கும் சீனா;இந்திய நிலப்பரப்பை எந்த விலை கொடுத்தும் பாதுகாக்க இராணுவம் தளபதிகளுக்கு கட்டளை

புதுடெல்லி:

கடந்த ஜூன் 15-ந் தேதி கல்வான் பள்ளத்தாக்கு பகுதியிலும், சென்ற ஆகஸ்டு 29-ந் தேதி கிழக்கு லடாக் பகுதியில் பங்கோங் சோ ஏரி பகுதியிலும் சீன துருப்புகள் அத்துமீறி ஆக்கிரமிக்க முயற்சித்தபோது இந்திய படைகள் பதிலடி கொடுத்து அந்த முயற்சியை தடுத்தன.

ஒரு பக்கம் பேச்சுவார்த்தை நடந்தாலும், மறுபக்கம் தொடர்ந்து ஆக்கிரமிப்பு மனப்பாங்கில்தான் சீனா செயல்பட்டு வருகிறது. இந்த அடிப்படையில்தான், கடந்த 7-ந் தேதி இரவு சீன துருப்புகள் பயங்கரமான ஆயுதங்களுடன் அசல்கட்டுப்பாட்டு கோடு பகுதியில் அமைந்துள்ள இந்தியாவின் முன்னோக்கிய நிலைகளில் ஒன்றை நோக்கி நெருங்கி வர முயற்சித்தன. அதை இந்திய படை வீரர்கள் தடுக்க முயற்சித்தபோது, அவர்களை பயமுறுத்த துப்பாக்கி சூடு நடத்தி விட்டு பழியை இந்தியா மீது போட்டது.

இந்தியா கடுமையான நிலைப்பாட்டை எடுத்ததை தொடர்ந்து, எல்லையில் இருந்து சீன துருப்புகள் முகாம்களுக்கு விரைவில் திரும்பி விடும் என கூறி பாசாங்கு செய்தது. ஆனாலும் தொடர்ந்து எல்லையில் படைகளை குவித்து இருப்பதால் பதற்றம் நீடிக்கிறது.

சீன துருப்புகள் எந்த தருணத்திலும் இழந்த களத்தை மீண்டும் பெற ஏதாவது செய்ய முயற்சிப்பார்கள்; அவர்களது நடவடிக்கைகள் உள்ளூர் தளபதிகளால் கண்டுகொள்ளப்படாவிட்டாலும், மேலிடத்தால் கட்டுப்படுத்தப்படுவதாக இந்திய ராணுவ வட்டாரங்கள் கூறுகின்றன.

மேலும், பங்கோங் சோ ஏரியின் வடக்கு கரையில் நடவடிக்கை எடுக்கப்பட்டுள்ளது. இந்திய ராணுவம் இங்குள்ள உயரமான பகுதிகளை தனது கட்டுப்பாட்டில் வைத்துள்ளது. இங்கு சீன துருப்புகள் அத்துமீற முயற்சித்தால், இந்தியா பதிலடி கொடுக்கும். எல்லா இடங்களிலும் இந்திய படைகள் தயார் நிலையில் இருக்கின்றன என்று அந்த வட்டாரங்கள் மேலும் தெரிவிக்கின்றன.

பங்கோங் சோ ஏரியின் வடக்கு கரையில் ‘பிங்கர்-4’ பகுதியில் சீனா படைகளை குவித்தாலும், அங்கும் இந்தியாதான் ஆதிக்கம் செலுத்துகிறது. இந்த இடம்தான், அசல்கட்டுப்பாட்டு கோடு அமைந்துள்ள பகுதி என்பது குறிப்பிடத்தக்கது.

 கிழக்கு லடாக் பிராந்தியத்தில் இந்தியாவும் சீனாவும் தொடர்ந்து நேருக்கு நேர்  மோதும் பதற்றம் அதிகரித்து வருகிறது.

இராணுவ மற்றும் தூதரக  பேச்சுவார்த்தைகள் இன்றைய நிலவரப்படி முடிவில்லாததாகத் தெரிகிறது, உண்மையான கட்டுப்பாட்டுக் கோட்டில் நிறுத்தப்பட்டுள்ள களத் தளபதிகளுக்கு இந்திய ராணுவம் நிலையான அறிவுறுத்தல்களை வழங்கியுள்ளது (எல்.ஐ.சி) சீன படைகளை 'எந்த விலை கொடுத்தும் நமது எல்லைக்குள் நுழைய அனுமதிக்கக்கூடாது.

இந்திய இறையாண்மை நிலத்தை பாதுகாக்கும்போது வீரர்கள் கடுமையான ஒழுக்கத்தை கடைபிடிக்க வேண்டும் என்றும் இராணுவம் அறிவுறுத்தியுள்ளது.

எல்லை புறக்காவல் நிலையங்களில் உள்ள தளபதிகள் அந்தந்த பகுதிகளில் ரோந்து செல்லும் போது அல்லது எந்தவொரு 'பணியையும்' மேற்கொள்ளும்போது கட்டுப்பாட்டைக் கடைப்பிடிக்கும்படி கேட்டுக் கொள்ளப்படுகிறார்கள், மேலும் "கூடுதல் வலிமையைக் காட்டக்கூடாது" அல்லது "அதிகப்படியான சக்தியைப் பயன்படுத்தக்கூடாது" என்று அறிவுறுத்தப்பட்டு உள்ளதாக செய்தி நிறுவனம் ஏஎன்ஐ தெரிவித்து உள்ளது.

சீன இராணுவம் சுமார் 50,000 ராணுவ வீரர்களை, பீரங்கிகளுடன் நிறுத்தியுள்ளதாகவும் வட்டாரங்கள் தெரிவித்துள்ளன.

சீனா தனது பகுதியில் சுஷூலின் இந்தியப் பக்கத்திற்கு எதிரே டாங்கிகள் மற்றும் காலாட்படை போர் வாகனங்களை சீனா வரிசையாகக் நிறுத்தி உள்ளது என்றும் அவர்கள் ஏராளமான கனரக ஆயுதங்களையும் கொண்டு வந்துள்ளனர் என்றும் வட்டாரங்கள் தெரிவிக்கின்றன.

சீன இராணுவம் திபெத்தில் தங்கள் எல்லைக்குள் பயிற்சிகளை நடத்தி வருவதாக கூறப்படுகிறது, ஆனால் அது எல்லையின் இந்தியப் பக்கத்தில் பல இடங்களில் லடாக் முதல் அருணாச்சல பிரதேசம் வரை நீண்டுள்ளது.

கான்செர்டினா கம்பிகளை அமைப்பதன் மூலம் இந்திய இராணுவம் ரெசாங் லா மற்றும் ரெச்சென் லா உயரங்களுக்கு அருகே உள்ள பகுதிகளிலும் இந்தியா தனது பாதுகாப்பை வலுப்படுத்தியுள்ளது, மேலும் சீன இராணுவம் இந்திய பாதுகாப்பை மீற முயன்றால் ஏற்படும் விளைவுகள் குறித்து எச்சரிக்கப்பட்டுள்ளது.