தேசிய செய்திகள்

ஒரே நாடு, ஒரே ரேஷன் அட்டை திட்டத்தை செயல்படுத்த வேண்டும்; மாநிலங்கள், யூனியன் பிரதேசங்களுக்கு சுப்ரீம் கோர்ட்டு உத்தரவு + "||" + To implement single country, single ration card scheme; Supreme Court order for States and Union Territories

ஒரே நாடு, ஒரே ரேஷன் அட்டை திட்டத்தை செயல்படுத்த வேண்டும்; மாநிலங்கள், யூனியன் பிரதேசங்களுக்கு சுப்ரீம் கோர்ட்டு உத்தரவு

ஒரே நாடு, ஒரே ரேஷன் அட்டை திட்டத்தை செயல்படுத்த வேண்டும்; மாநிலங்கள், யூனியன் பிரதேசங்களுக்கு சுப்ரீம் கோர்ட்டு உத்தரவு
ஒரே நாடு, ஒரே ரேஷன் அட்டை திட்டத்தை மாநிலங்கள், யூனியன் பிரதேசங்கள் செயல்படுத்த வேண்டும் என சுப்ரீம் கோர்ட்டு உத்தரவிட்டுள்ளது.
வழக்கு விசாரணை
புலம்பெயர் தொழிலாளர்களின் பிரச்சினைகள், துயரம் தொடர்பாக தாமாக முன்வந்து பதிவு செய்த வழக்கு மீதான விசாரணை சுப்ரீம் கோர்ட்டு நீதிபதிகள் அசோக் பூஷண், எம்.ஆர்.ஷா ஆகியோர் அடங்கிய அமர்வு முன் நேற்று 
நடைபெற்றது. மத்திய அரசின் சார்பில் ஆஜரான சொலிசிட்டர் ஜெனரல் துஷார் மேத்தா, ஒரே நாடு, ஒரே ரேஷன் அட்டை திட்டத்தை டெல்லி, மேற்கு வங்காளம், சத்தீஷ்கார், அசாம் போன்ற மாநிலங்கள் செயல்படுத்தவில்லை என்றார்.

டெல்லி, மேற்கு வங்காளம்
அதற்கு டெல்லி அரசு சார்பில் ஆஜரான வக்கீல் ஆட்சேபம் தெரிவித்துடன், டெல்லியில் ஒரே நாடு, ஒரே ரேஷன் அட்டை திட்டம் செயல்படுத்தப்படுகிறது என்றார். மேற்கு வங்காளத்தின் சார்பில் ஆஜரான வக்கீல், ஒரே நாடு, ஒரே ரேஷன் அட்டை திட்டத்தை செயல்படுத்த ஆதார் எண்களை இணைக்கும் பணி நடைபெறுவதால் தாமதமாகிறது என வாதிட்டார்.

செயல்படுத்த வேண்டும்
அதையடுத்து நீதிபதிகள், ஒவ்வொரு மாநிலம், யூனியன் பிரதேசத்திலும் உள்ள புலம்பெயர் தொழிலாளர்கள் ரேஷன் பொருட்களை பெறுவதற்கு உதவியாக ஒரே நாடு, ஒரே ரேஷன் அட்டை திட்டத்தைச் செயல்படுத்த வேண்டும் என 
அறிவுறுத்தினர்.

மத்திய அரசுக்கு கேள்வி
மேலும், அமைப்புசாரா புலம்பெயர் தொழிலாளர் விவரங்களை இணையத்தில் பதிவேற்ற ஏன் கால தாமதமாகிறது என மத்திய அரசுக்கு நீதிபதிகள் கேள்வி எழுப்பினர். புலம்பெயர் தொழிலாளர்களின் பிரச்சினைகள், துயரம் தொடர்பாக 
தாமாக முன்வந்து பதிவு செய்த வழக்கில் தீர்ப்பை மறுதேதி குறிப்பிடாமல் ஒத்திவைத்தனர்.

தொடர்புடைய செய்திகள்

1. தீர்ப்பாயங்களில் காலியிடங்களை நிரப்ப மத்திய அரசுக்கு மேலும் 10 நாள் கெடு; சுப்ரீம் கோர்ட்டு உத்தரவு
தீர்ப்பாயங்களில் உள்ள காலிப்பணியிடங்களை நிரப்ப மத்திய அரசுக்கு சுப்ரீம் கோர்ட்டு மேலும் 10 நாட்கள் காலக்கெடு விதித்துள்ளது.
2. மக்களின் நம்பிக்கையை காப்பாற்ற சுதந்திரமான நீதித்துறை அவசியம்: சுப்ரீம் கோர்ட்டு
மத்திய பிரதேச காங்கிரஸ் தலைவர் தேவேந்திர சவுராசியா கொலை வழக்கில் குற்றம்சாட்டப்பட்டுள்ள பகுஜன் சமாஜ் கட்சியின் எம்.எல்.ஏ. ராம்பாயின் கணவர் கோவிந்த் சிங்குக்கு வழங்கப்பட்ட ஜாமீனை எதிர்த்து சுப்ரீம் கோர்ட்டில் மேல்முறையீட்டு மனு தாக்கல் செய்யப்பட்டது.
3. மத்திய மந்திரி வி.கே.சிங்கை பதவியில் இருந்து நீக்க கோரும் மனு; விசாரிக்க சுப்ரீம் கோர்ட்டு மறுப்பு
தமிழகத்தில் தேர்தல் பிரசாரத்தின்போது இந்திய-சீன எல்லைப் பிரச்சினை குறித்து பேசியதாகவும், அது பதவிபிரமாணத்துக்கு எதிராக இருப்பதாகவும் தெரிவித்து, மத்திய அமைச்சர் வி.கே.சிங்கை பதவியிலிருந்து நீக்க வேண்டும் என கோரி, மன்னார்குடியைச் சேர்ந்த சந்திரசேகரன் ராமசாமி சார்பில் வக்கீல் ஜெயசுகின் மனு தாக்கல் செய்தார்.
4. இத்தாலிய கப்பல் பாதுகாப்பு வீரர்களுக்கு எதிரான வழக்கை சுப்ரீம் கோர்ட்டு முடித்துவைத்தது
இந்திய மீனவர்கள் சுட்டுக்கொல்லப்பட்ட விவகாரத்தில் இத்தாலிய கப்பல் பாதுகாப்பு வீரர்களுக்கு எதிரான வழக்கை சுப்ரீம் கோர்ட்டு முடித்துவைத்தது.
5. இன்று நடக்க இருந்த மைசூரு மாநகராட்சி மேயர் தேர்தல் நடத்த தடை: சுப்ரீம் கோர்ட்டு உத்தரவு
இன்று நடக்க இருந்த மைசூரு மாநகராட்சி மேயர் தேர்தலை நடத்த தடை விதித்து சுப்ரீம் கோர்ட்டு உத்தரவிட்டுள்ளது.