காங்கிரஸ் அல்லாத கூட்டணியால் பாஜகவை எதிர்க்க முடியாது: மெகபூபா முப்தி

ஜம்மு,

காங்கிரஸ் அல்லாத எந்த ஒரு கூட்டணியாலும் பாஜகவை எதிர்க்க முடியாது என்று ஜம்மு காஷ்மீர் முன்னாள் முதல் மந்திரி மெகபூபா முப்தி தெரிவித்துள்ளார். ஜம்முவில் ஐந்து நாட்கள் சுற்றுப்பயணத்தை நிறைவு செய்த  மெகபூபா முப்தி இன்று செய்தியாளர்களுக்குப் பேட்டி அளித்தார். அப்போது அவர் கூறியதாவது:- “  காங்கிரஸ் இல்லாத கூட்டணி அல்லது மூன்றாவது அணியால் பாஜகவை வீழ்த்த முடியாது. கடந்த 70 ஆண்டு காலமாக தேசத்தை கட்டமைக்கும் பணியில் காங்கிரஸ் முக்கிய பங்கு ஆற்றி வருகிறது. எனவே, காங்கிரஸ் கட்சிக்கு மாற்று கட்சி தேசத்தில் இல்லை.  

கடந்த 70 ஆண்டுகளாக காங்கிரஸ் மற்றும் பிற அரசுகள் கட்டமைத்தத்தை பாஜக விற்று வருகிறது. தேசத்தின் நலனுக்காக பாஜகவை அகற்ற வேண்டும். ஜனநாயகத்தில் தேர்தல் ஒரு வழக்கமான நடைமுறையாகும். எனவே எந்த தாமதமும் இன்று தேர்தல் நடத்தப்பட வேண்டும். எனவே, தேர்தல் தொடர்பாக மித மிஞ்சிய எதிர்ப்பு தேவையில்லாதது. 

தேர்தல் நடத்துவதன் மூலம் ஜம்மு காஷ்மீர் மக்களுக்கு எந்த உதவியும் பாஜக செய்யப்போவது இல்லை. இந்தியா  மதம், மதம் மற்றும் சாதி ஆகியவற்றைப் பொருட்படுத்தாமல் அனைத்து குடிமக்களையும் கொண்ட நாடு, ஆனால் அவர்கள் கோட்சேவின் நாடாக  இந்தியாவை மாற்ற விரும்புகிறார்கள். பாஜகவுக்கு எதிரான அனைத்து எதிர்க்கட்சிகளும் ஒருசேர கைகோர்க்க வேண்டும். பாஜக தனது பிரித்தாளும் அரசியல் மூலம்  நாட்டின்  அடிப்படை கட்டமைப்பையே அசைத்து பார்க்கிறது” என்றார்.