<
“பொருளாதார முன்னேற்றத்தை நோக்கி இந்தியா வேகமாக பயணித்து வருகிறது” - பிரதமர் மோடி
‘மன் கி பாத்’ நிகழ்ச்சியின் மூலம் நாட்டு மக்களிடம் இன்று பிரதமர் மோடி உரையாற்றினார்.
புதுடெல்லி,
பிரதமர் நரேந்திர மோடி, கடந்த 2014-ம் ஆண்டு பிரதமராக பொறுப்பேற்றது முதல், ‘மன் கி பாத்’ என்ற நிகழ்ச்சியின் மூலம் மாதம்தோறும் கடைசி ஞாயிற்றுக்கிழமைகளில் காலை 11 மணிக்கு அகில இந்திய வானொலி மூலம் நாட்டு மக்களுக்கு உரையாற்றி வருகிறார். இந்த நிகழ்ச்சியில் பல்வேறு விவகாரங்கள் குறித்து அவர் பேசி வருகிறார்.
அதன்படி, இந்த மாதத்திற்கான மன் கி பாத் வானொலி நிகழ்ச்சி இன்று 87-வது மன் கி பாத் நிகழ்ச்சியில், பிரதமர் மோடி பல்வேறு விவகாரங்கள் குறித்து பேசினார். இன்றைய நிகழ்ச்சியில் அவர் பேசியதன் முக்கிய அம்சங்கள் பின்வருமாறு;-
“ * பொருளாதார முன்னேற்றத்தை நோக்கி இந்தியா வேகமாக பயணித்து வருகிறது. கனவை நனவாக்க மிகப்பெரிய அளவில் இந்தியவர்கள் சிந்தித்து உழைத்து வருகின்றனர்.
* 400 பில்லியன் அமெரிக்க டாலர்களைத் தாண்டிய இந்திய ஏற்றுமதிகள் நம்மை பெருமைப்பட வைத்துள்ளது. இது நாட்டின் ஆக்கத்தையும், திறனையும் குறிக்கிறது.
* இந்தியாவில் இருந்து புதிய தயாரிப்புகள் புதிய இடங்களுக்கு ஏற்றுமதி செய்யப்படுகின்றன, இந்திய தயாரிப்புகள் இப்போது வெளிநாடுகளில் அதிகம் கவனத்தை பெற்றுள்ளன.
* நமது விவசாயிகள், இளைஞர்கள், சிறு, குறு மற்றும் நடுத்தர நிறுவனங்களை நான் பாராட்டுகிறேன்.
* பெரிய நிறுவனங்கள் மட்டுமே அரசாங்கத்திற்கு பொருட்களை விற்க முடியும் என்று முன்பு நம்பப்பட்டது, ஆனால் இ-மார்க்கெட் இணையதளம் இதை மாற்றியுள்ளது. இது இந்தியாவின் புதிய உத்வேகத்தை விளக்குகிறது.
* சமீபத்தில் முடிவடைந்த பத்ம விருதுகளில், பாபா சிவானந்தாவைப் பார்த்திருப்பீர்கள், அவருடைய வீரியம் மற்றும் உடற்தகுதியைப் பார்த்து அனைவரும் ஆச்சரியப்பட்டனர். நாட்டில் அவரது உடல்நிலை விவாதப் பொருளாக உள்ளது. அவர் யோகாவில் மிகுந்த ஈடுபாடு கொண்டவர்.
* சமீபத்திய ஆண்டுகளில் ஊக்கமளிக்கும் போக்குகளில் ஒன்று, ஆயுஷ் துறையில் பல ஸ்டார்ட் அப்கள் மற்றும் நிறுவனங்களின் எழுச்சி மற்றும் வெற்றியாகும்.
* ஏக் பாரத், ஸ்ரேஷ்டா பாரதத்தின் உணர்வின் வெளிப்பாடான குஜராத்தின் கடலோரப் பகுதியில் நடக்கும் கண்காட்சியைப் பற்றி எத்தனை பேருக்குத் தெரியும்!
* டாக்டர் அம்பேத்கருடன் தொடர்புடைய பஞ்ச தீர்த்தங்களுக்குச் சென்றதை நான் பெருமையாக உணர்கிறேன். இந்த எழுச்சியூட்டும் இடங்களைப் பார்வையிடுமாறு உங்கள் அனைவரையும் நான் கேட்டுக்கொள்கிறேன்.
* பெண் குழந்தைகளின் கல்வியை மேலும் மேம்படுத்தி, பெண்கள் அதிகாரத்தை வலுப்படுத்துவோம்.”
இவ்வாறு பிரதமர் மோடி பேசினார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
