<
காஷ்மீர்: 5 பயங்கரவாதிகள் சுட்டுக்கொலை - தற்கொலைப்படை தாக்குதல் முறியடிப்பு
Image Courtesy: PTI
காஷ்மீரில் இருவேறு என்கவுண்டரில் 5 பயங்கரவதிகள் சுட்டுக்கொல்லப்பட்டனர்.
ஸ்ரீநகர்,
ஜம்மு-காஷ்மீர் யூனியன் பிரதேசத்தில் பாதுகாப்பு படையினர் மற்றும் காஷ்மீர் போலீசார் இணைந்து பயங்கரவாத ஒழிப்பு நடவடிக்கையில் ஈடுபட்டு வருகின்றனர்.
இதற்கிடையில், பிரதமர் மோடி வரும் ஞாயிற்றுக்கிழமை காஷ்மீருக்கு பயணம் மேற்கொள்ள உள்ளார். ஜம்மு-காஷ்மீரின் சம்பா மாவட்டத்தில் உள்ள பள்ளி பஞ்சாயத்திற்கு பிரதமர் மோடி பயணம் மேற்கொள்ள உள்ளார். இதனால் பாதுகாப்பு ஏற்பாடுகள் அதிகரிக்கப்பட்டுள்ளது.
இந்நிலையில், ஜம்மு-காஷ்மீரின் பாரமுல்லா மாவட்டம் மல்வஹ் பகுதியில் பயங்கரவாதிகள் பதுங்கி இருப்பதாக பாதுகாப்பு படையினருக்கு நேற்று ரகசிய தகவல் கிடைத்தது. இதையடுத்து, அந்த பகுதியில் பாதுகாப்பு படையினர் தீவிர தேடுதல் வேட்டையில் ஈடுபட்டுக்கொண்டிருந்தபோது அங்கு பதுங்கி இருந்த பயங்கரவாதிகள் துப்பாக்கிச்சூடு நடத்தினர்.
பாதுகாப்பு படையினர் நடத்திய பதிலடி தாக்குதலில் 3 பயங்கரவாதிகள் சுட்டுக்கொல்லபட்டனர். சுட்டுக்கொல்லப்பட்ட பயங்கரவாதிகள் 3 பேரும் லஷ்கர் இ தொய்பா அமைப்பை சேர்ந்தவர்கள் என்பது தெரியவந்துள்ளது.
அதேபோல், ஜம்முவின் சஞ்வான் பகுதியில் மத்திய தொழிற்பாதுகாப்பு படையினர் பயணித்த பஸ்சை குறிவைத்து பயங்கரவாதிகள் தாக்குதல் நடத்தினர். இதையடுத்து, துரிதமாக செயல்பட்ட பாதுகாப்பு படையினர் பயங்கரவாதிகள் மீது பதில் தாக்குதல் நடத்தினர். இந்த தாக்குதலில் 2 பயங்கரவாதிகள் சுட்டுக்கொல்லபட்டனர்.
கொல்லப்பட்ட 2 பயங்கரவாதிகளும் ஜெய்ஷ் இ முகமது அமைப்பை சேர்ந்தவர்கள் என்பதும் தற்கொலைப்படை தாக்குதல் நடத்த திட்டமிட்டதும் தெரியவந்தது. இந்த மோதலின்போது பாதுகாப்புபடை வீரர் ஒருவரும் வீரமரணமடைந்தார்.
பிரதமர் மோடி நாளை காஷ்மீர் வர உள்ள நிலையில் தற்கொலைப்படை தாக்குதல் நடத்த திட்டமிட்டிருந்த பயங்கரவாதிகள் சுட்டுக்கொல்லப்பட்டுள்ளனர். இதனை தொடர்ந்து காஷ்மீரில் உச்சபட்ச பாதுகாப்பு போடப்பட்டுள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
