மத்திய பிரதேசம்: மைனர் சிறுமியை கூட்டு பாலியல் வன்கொடுமை செய்த 5 பேருக்கு போலீஸ் வலைவீச்சு

போபால்,

மத்திய பிரதேச மாநிலம் ஷாடோல் மாவட்டத்தைச் சேர்ந்த 15 வயது சிறுமி, தனது தோழியுடன் கோச்சிங் வகுப்பிற்குச் சென்றுவிட்டு நேற்று மாலை வீடு திரும்பிக் கொண்டிருந்தார். அப்போது அவர்களை 5 பேர் கொண்ட கும்பல் வழிமறித்துள்ளது.

இதையடுத்து அந்த 15 வயது சிறுமியை அவர்கள் 5 பேரும் சேர்ந்து கூட்டு பாலியல் வன்கொடுமை செய்துள்ளனர். பின்னர் அந்த 5 பேரும் அங்கிருந்து தப்பிச் சென்றுள்ளனர்.

இந்த சம்பவம் குறித்து சிறுமியின் பெற்றோர் காவல்துறையிடம் அளித்த புகாரின்பேரில் போலீசார் அடையாளம் தெரியாத 5 பேர் மீது வழக்குப்பதிவு செய்து அவர்களை தேடும் முயற்சியில் தீவிரமாக ஈடுபட்டுள்ளனர். மேலும் குற்றவாளிகள் குறித்து தகவல் தெரிவிப்பவர்களுக்கு ரூ.30,000 சன்மானம் வழங்கப்படும் என்றும் போலீசார் அறிவித்துள்ளனர்.