பெட்ரோல், டீசல் விலை குறைப்பு: பிரதமர் மோடி பாராட்டு

புதுடெல்லி,

பெட்ரோல், டீசல் மீதான கலால் வரியைய மத்திய அரசு குறைத்து இன்று அறிவிப்பு வெளியிட்டது. பெட்ரோல், டீசல் மீதான கலால் வரி முறையே லிட்டருக்கு ரூ.8 மற்றும் ரூ. 6 -குறைக்கப்பட்டது. இந்த வரிக்குறைப்பின் மூலம் பெட்ரோல், ஒரு லிட்டர் ரூ. 9.5-ம், டீசல் ரூ. 7-குறையும் என்று மத்திய அமைச்சர் நிர்மலா சீதாராமன் தெரிவித்தார்.

இதனிடையே, பெட்ரோல், டீசல் மீதான வரிக்குறைப்பு குறித்து பிரதமர் மோடி வெளியிட்ட டுவிட் பதிவில் கூறியிருப்பதாவது: எங்களுக்கு மக்கள் நலனே முதன்மையானது, இன்றைய முடிவுகள் குறிப்பாக பெட்ரோல், டீசல் மீதான விலையை குறிப்பிடத்தக்க வகையில் குறைக்கும் முடிவானது பல்வேறு துறைகளில் சாதகமான தாக்கத்தை ஏற்படுத்தும். மக்களின் சுமையை குறைக்கும். உஜ்வாலா திட்டத்தில் கேஸ் சிலிண்டர் மீதான மானியம் குடும்ப பட்ஜெட்டை பெரிதும் எளிதாக்கும்" என்று பதிவிட்டுள்ளார்.