2020-ம் ஆண்டுடன் ஒப்பிடுகையில் கியாஸ் சிலிண்டர் விலை 2 மடங்கு உயர்ந்து இருக்கிறது; உத்தவ் சிவசேனா கூறுகிறது

மும்பை,

2020-ம் ஆண்டுடன் ஒப்பிடுகையில் சமையல் கியாஸ் சிலிண்டர் விலை 2 மடங்கு அதிகமாக உள்ளது என உத்தவ் பாலாசாகேப் தாக்கரே சிவசேனா கூறியுள்ளது.

2 மடங்கு அதிகம்

உத்தவ் பாலாசாகேப் தாக்கரே சிவசேனா கட்சியின் அதிகாரப்பூர்வ பத்திரிகையான சாம்னா தலையங்கத்தில் நேற்று கூறி இருப்பதாவது:- சமையல் எரிவாயு சிலிண்டருக்கு ரூ.200 குறைக்கப்படுவதாக மத்திய அரசு கடந்த செவ்வாய்க்கிழமை அறிவித்தது. தற்போது டெல்லியில் 14.2 கிலோ எல்.பி.ஜி. சிலிண்டரின் விலை ரூ.1,103 ஆக உள்ளது. இது கடந்த 2020 ஆண்டு மே மாதத்துடன் ஒப்பிடும்போது 2 மடங்கு அதிகமாகும்.

சீனா முன்...

நாட்டில் தற்போது நிலவும் அச்சத்தை போக்க இந்தியா கூட்டணி உறுதியான நடவடிக்கைகளை எடுத்து வருகிறது. சீனா முன் மண்டியிட்ட இன்றைய இந்தியாவை வெற்றிபெற செய்ய இந்தியா கூட்டணி தயாராக உள்ளது. இவ்வாறு அதில் கூறப்பட்டு உள்ளது.