புயலை கணிக்கும் ‘புதிய’ வானிலை அறிவிப்பாளர்கள்

இயற்கையின் மாற்றங்களை பறவைகளும் இதர உயிரினங் களும்கூட உணர்த்துகின்றன. புயல், வெள்ளம், பூகம்பத்தை அவைகள் எப்படி உணர்த்தும் தெரியுமா? பறவைகள் பறக்கும் உயரத்தைவைத்து காலநிலையை கணிக்கலாம். உயரமாக அவை பறந்துகொண்டிருந்தால், பருவநிலை இயல்பாக இருக்கிறது என்று அர்த்தம். பறவைகள் தாழ்வாக பறந்தாலோ அல்லது பறக்கவே இல்லை என்றாலோ மழையோ அல்லது புயலோ வரப்போகிறது என்று அர்த்தம். சிட்டுக் குருவிகள் மண்ணில் விளையாடினால் மழை வரப்போகிறது என்பதை உணர்ந்து கொள்ளலாம். சேவல் வழக்கத்துக்கு மாறாக அதிகாலை தவிர்த்து வேறு நேரத்தில் தொடர்ந்து கூவுவது மழை வரப்போவதின் அறிகுறி. மைனா, தண்ணீரில் புரண்டு விளையாடினால் மழை நிச்சயம் உண்டு.