கொப்பரை தேங்காய் விலை அதிகரிப்பு

ஆனைமலை ஒழுங்குமுறை விற்பனை கூடத்தில் கொப்பரை தேங்காய் ஏலம் நடைபெற்றது. இதில் 53 விவசாயிகள் மொத்தம் 233 மூட்டை கொப்பரையை விற்பனைக்காக கொண்டு வந்தனர்

காலை 10 மணி முதல் மதியம் 2 மணி வரை கொப்பரை தேங் காய்களை தரம் பிரிக்கும் பணி நடைபெற்றது. இதில், தாராபுரம், காங்கேயம் உள்ளிட்ட பகுதிகளை சேர்ந்த 7 வியாபாரிகள் கலந்து கொண்டனர்

இதில், 121 மூட்டை முதல் ரக கொப்பரை கிலோ ஒன்றிற்கு ரூ.79.50 முதல் ரூ.86.85 வரை ஏலம் போனது. 112 மூட்டை 2-ம் ரக கொப்பரை கிலோ ஒன்றிற்கு ரூ.64.50 முதல் ரூ.76-க்கு ஏலம் போனது.

தற்போது பெய்யும் பருவமழை காரணமாக கடந்த வாரத்தை விட 142 மூட்டை கொப்பரை குறைவாக வந்து உள்ளது. இதனால் ரூ.3.60 விலை அதிகரித்து உள்ளதாக ஆனைமலை ஒழுங்குமுறை விற்பனைக்கூட கண்காணிப்பாளர் மணிவாசகம் தெரிவித்தார்.