மோட்டார் சைக்கிள் திருடிய வாலிபர் கைது

மணலூர்பேட்டை,

திருக்கோவிலூர் அருகே கண்டியங்குப்பத்தை சேர்ந்தவர் கனகராஜ். இவர் தனது மோட்டார் சைக்கிளை மணலூர்பேட்டையில் உள்ள ஒரு திருமண மண்டப வாசலில் நிறுத்திவிட்டு சென்றார். பின்னர் திரும்பி வந்து பார்த்தபோது, அந்த மோட்டார் சைக்கிளை காணவில்லை. அதனை மர்ம நபர் திருடிச்சென்றது தெரிந்தது. இது குறித்து கனகராஜ் மணலூர்பேட்டை போலீசில் புகார் அளித்தார். அதன்பேரில் போலீசார் வழக்குப்பதிவு செய்து விசாரணை நடத்தி வந்தனர். விசாரணையில், மோட்டார் சைக்கிளை திருவண்ணாமலை மாவட்டம் பழையனூர் இந்திராநகரை சேர்ந்த மணிகண்டன் (வயது 23) என்பது தெரிந்தது. மேலும் அவர் பல இடங்களில் மோட்டார் சைக்கிள்களை திருடியதும் தெரியவந்தது. இதையடுத்து மணிகண்டனை போலீசார் கைது செய்தனர். மேலும் அவரிடம் இருந்து 6 மோட்டார் சைக்கிள்களை பறிமுதல் செய்தனர்.