தொடர்ந்து 10 மணி நேரம் சிலம்பம் சுற்றி பள்ளி மாணவி சாதனை

திருச்சி, பொன்மலை பகுதியை சேர்ந்த 7-ம் வகுப்பு மாணவி ரிபாயா. இவர் நேற்று பொன்னகரில் உள்ள ஒரு பள்ளி வளாகத்தில் தொடர்ந்து சிலம்பம் சுற்றி சாதனை படைக்கும் முயற்சியில் ஈடுபட்டார். அதன்படி காலை 6.20 மணிக்கு சிலம்ப ஆசான் தங்கராஜ் முன்னிலையில் சிலம்பம் சுற்றத் தொடங்கிய ரிபாயா, 10 மணி நேரம் 10 நிமிடம் 10 வினாடிகள் தொடர்ந்து சிலம்பம் சுற்றி புதிய சாதனை படைத்தார். முதலில் அவர் 9 மணி நேரம் தொடர்ந்து சிலம்பம் சுற்றி சாதனை படைக்க திட்டமிட்டு இருந்தார். ஆனால் தற்போது அவர் கூடுதல் நேரம் சிலம்பம் சுற்றி சாதனை படைத்துள்ளார். நிகழ்ச்சிக்கு கராத்தே மாஸ்டர் ஜெட்லி நடுவராக இருந்து ரிபாயாவின் சாதனையை ஜெட்லி புக் ஆப் ரெக்காட்சில் பதிவு செய்தார். மேலும் சாதனை படைத்த மாணவிக்கு சாதனைக்கான சான்றிதழ் மற்றும் பதக்கம் வழங்கப்பட்டது. இந்த நிகழ்ச்சியில் சக வீரர்-வீராங்கனைகள் மற்றும் உறவினர்கள் திரளாக கலந்து கொண்டனர்.