லாட்டரி சீட்டுகள் விற்ற 2 பேர் கைது

குளித்தலை சுங்ககேட் மற்றும் பெரிய பாலம் பகுதியில் தமிழக அரசால் தடை செய்யப்பட்ட லாட்டரி சீட்டுகள் விற்பனை செய்யப்படுவதாக குளித்தலை போலீசாருக்கு தகவல் கிடைத்துள்ளது. அதன் பேரில் அங்கு சென்ற போலீசார் சுங்ககேட் பகுதியில் ஆன்லைன் லாட்டரி சீட்டுகள் விற்ற குளித்தலை அண்ணாநகர் பகுதியை சேர்ந்த கந்தசாமி (வயது 41), பெரிய பாலம் பகுதியில் லாட்டரி சீட்டுகள் விற்ற பிள்ளைத்தோப்பு தெருவை சேர்ந்த முகமது இஸ்மாயில் (43) ஆகிய 2 பேரை கைது செய்தனர்.மேலும் அவர்களிடமிருந்து தலா 10 லாட்டரி சீட்டுகள் வீதம் 20 லாட்டரி சீட்டுகளை போலீசார் பறிமுதல் செய்தனர்.