கூடலூர்

கூடலூர் நகரில் கஞ்சா உள்ளிட்ட போதை பொருட்கள் விற்பனை நடைபெறுவதாக போலீசாருக்கு பல்வேறு புகார்கள் வந்தன. தொடர்ந்து போலீஸ் துணை சூப்பிரண்டு செல்வராஜ் உத்தரவின் பேரில் போலீசார் தீவிர கண்காணிப்பு பணியில் ஈடுபட்டு வருகின்றனர். இந்தநிலையில் நேற்று போலீஸ் சப்-இன்ஸ்பெக்டர் கபில்தேவ் மற்றும் போலீசார் கூடலூர்-வயநாடு சாலையில் ரோந்து சென்றனர். அப்போது சந்தேகப்படும்படி நின்றிருந்த 2 வாலிபர்களை பிடித்து சோதனை செய்தனர். அவர்கள் தடை செய்யப்பட்ட எம்.டி.எம். போதைப்பொருள் 3 கிராம் வைத்திருப்பது தெரியவந்தது. இதன் மதிப்பு சுமார் ரூ.6 ஆயிரம். விசாரணையில் அவர்கள் புஷ்பகிரியை சேர்ந்த அனூப் (வயது 27), அஸ்வின் (28) என்பது தெரியவந்தது. அவர்களை கூடலூர் போலீசார் கைது செய்தனர். அவர்களிடம் இருந்து போதைப்பொருள் பறிமுதல் செய்யப்பட்டது.