லாரியில் கிராவல் மண் கடத்திய 2 பேர் கைது

சோமரசம்பட்டை:

ராம்ஜிநகரில் டிப்பர் லாரியில் கிராவல் மண் கடத்தி வருவதாக ராம்ஜிநகர் போலீசாருக்கு ரகசிய தகவல் கிடைத்தது. அதன்பேரில் சப்-இன்ஸ்பெக்டர் வினோத்குமார் தலைமையிலான போலீசார் ராமஜிநகர் மில்கேட் அருகே வாகன சோதனையில் ஈடுபட்டனர். அப்போது சந்தேகத்துக்கிடமாக அங்கு வந்த டிப்பர் லாரியை மடக்கி பிடித்து, டிரைவரிடம் விசாரணை நடத்தினர். அவர் முன்னுக்கு பின் முரணாக பதில் அளித்ததால், சந்தேகம் அடைந்த போலீசார் லாரியை சோதனை செய்தனர். அதில் 2 யூனிட் கிராவல் மண் இருந்தது. மேலும் இது குறித்து நடத்திய விசாரணையில், லாரியை ஓட்டி வந்தவர் சன்னாசிப்பட்டி கீழத்தெருவை சேர்ந்த ரங்கராஜ் மகன் சந்திரசேகர் (வயது 26) என்பதும், லாரியின் உரிமையாளர் என்பதும், அவருடன் இருந்தவர் அதே பகுதி மேலத்தெருவை சேர்ந்த செல்லத்துரை மகன் ஸ்ரீகிருஷ்ணன் (23) என்பதும், கிராவல் மண் கடத்தி வந்ததும் விசாரணையில் தெரியவந்தது. இதையடுத்து 2 பேரையும் கைது செய்த போலீசார், லாரியை பறிமுதல் செய்தனர்.