விபத்தில் 2 வாலிபர்கள் படுகாயம்

தென்காசி மாவட்டம் கடையம் அருகே உள்ள வீராசமுத்திரத்தை சேர்ந்தவர் முகமதுஅலி. இவருடைய மகன் அலாவுதீன் (வயது 21), முகமதுபுசுஅலிக் மகன் அக்பர் அலி சபிக் (20). இவர்கள் நேற்று ஒரு மோட்டார் சைக்கிளில் நெல்லை வண்ணார்பேட்டை பகுதியில் சென்று கொண்டிருந்தனர்.

அப்போது நெல்லை புதிய பஸ் நிலையத்தில் இருந்து பாபநாசம் நோக்கி சென்ற அரசு பஸ்சும், மோட்டார் சைக்கிளும் மோதிக்கொண்டன. இதில் மோட்டார் சைக்கிளில் பயணம் செய்த அலாவுதீன், அக்பர் அலி சபிக் ஆகிய 2 பேரும் படுகாயம் அடைந்தனர். உடனே அவர்களை அக்கம்பக்கத்தினர் சிகிச்சைக்காக பாளையங்கோட்டை அரசு ஆஸ்பத்திரியில் சேர்த்தனர். அங்கு அவர்களுக்கு தீவிர சிகிச்சை அளிக்கப்பட்டு வருகிறது.

இதுகுறித்து நெல்லை மாநகர போக்குவரத்து புலனாய்வு பிரிவு போலீசார் வழக்குப்பதிவு செய்து விசாரணை நடத்தி வருகிறார்கள்.