<
கொளத்தூர் அருகே பஸ் டிரைவர் சம்மட்டியால் அடித்து படுகொலை...!
கொளத்தூர் அருகே தனியார் பஸ் டிரைவர் சம்மட்டியால் அடித்து படுகொலை செய்யப்பட்டு உள்ளார்.
கொளத்தூர்,
சேலம் மாவட்டம் கொளத்தூர் அடுத்த பாலம் வழியைச் சேர்ந்தவர் பொன் குமார் (வயது 33). இவர் தனியார் பள்ளி பஸ் ஒன்றில் டிரைவராக பணியாற்றி வருகிறார். இவருக்கு கடந்த சில ஆண்டுகளுக்கு முன் திருமணம் நடந்தது.
மனைவியை விட்டுப் பிரிந்து விவாகரத்து பெற்று பொன்குமார் தனிமையில் வசித்து வந்தார். இந்த நிலையில் இன்று பாலவாடியிலுள்ள தனது வீட்டில் குமார் படுத்து உறங்கிக் கொண்டு இருந்துள்ளார்.
அப்போது மர்ம நபர்கள் உள்ளே சென்று அவரது தலையில் சம்மட்டியால் தாக்கி அவரை படுகொலை செய்துள்ளனர். தலை நசுங்கிய நிலையில் உயிரிழந்து கிடந்த பொன் குமாரை பார்த்த அக்கம்பக்கத்தினர் இது குறித்து கொளத்தூர் போலீஸ் நிலையத்திற்கு தகவல் அளித்தனர்.
சம்பவ இடத்திற்கு வந்த போலீசார் உயிரிழந்த பொன் குமாரின் உடலை கைப்பற்றி பிரேத பரிசோதனைக்காக மேட்டூர் அரசு மருத்துவமனைக்கு அனுப்பி வைத்தனர். மேலும் பொன் குமாரின் கொலை குறித்து போலீசார் வழக்குப்பதிவு செய்து விசாரணை நடத்தி வருகின்றனர்.
இது தொடர்பாக போலீசார் கூறுகையில்,
கொலையான பொன்குமார் ஏற்கனவே கொலை வழக்கு ஒன்றில் சம்பந்தப்பட்டவர் என்றும் மேலும் இவர் பல பெண்களிடம் முறையற்ற உறவு இருந்ததாகவும் கூறப்படுகிறது. பொன் குமார் கொலை செய்யப்பட்டதற்கான காரணம் குறித்து போலீசார் துருவித் துருவி விசாரணை நடத்தி வருகின்றனர்.
இந்த கொலை கள்ளக்காதல் காரணமாக நடந்ததா அல்லது ஏதேனும் முன்விரோதம் காரணமாக நடந்ததா என்பது குறித்து கொளத்தூர் போலீசார் வழக்குப்பதிவு செய்து விசாரணை நடத்தி வருகின்றனர்.
இந்த நிலையில் கொலை செய்யப்பட்ட பொன்குமாரின கொலைக்கு காரணமான நபர்களை உடனடியாக கைது செய்ய வேண்டும் எனக்கூறி அவரது உறவினர்கள் பொன்குமார் சடலத்தை வாங்க மறுத்து உள்ளனர்.
இச்சம்பவம் கொளத்தூர் பகுதியில் பெரும் பரபரப்பை ஏற்படுத்தி உள்ளது. இவ்வாறு அவர்கள் தெரிவித்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire