<
அரசு பேருந்து மோதி தீப்பிடித்து எரிந்த மோட்டார் சைக்கிள் - 2 பேர் படுகாயம்
திருவாடானை அருகே அரசு பேருந்து மோதிய விபத்தில் மோட்டார் சைக்கிள் தீ பிடித்து எரிந்த சம்பவம் பரபரப்பை ஏற்படுத்தி உள்ளது.
தொண்டி,
ராமநாதபுரம் மாவட்டம் திருவாடானை அருகே மாங்குடி பகுதியைச் சேர்ந்தவர் பாலாஜி மகன் கார்த்திக் (வயது 22). இவர் தனது உறவினரான ஹரிகிருஷ்ணன் (19) என்பவருடன் மோட்டார் சைக்கிளில் ராமேஸ்வரம் - திருச்சி தேசிய நெடுஞ்சாலையில் சென்று கொண்டிருந்தார்.
அப்போது கருமொழி சோதனைச்சாவடி அருகே சென்றபோது எதிரே வந்த அரசுப் பேருந்து பைக் மீது பலமாக மோதியது. இந்த விபத்தில் மோட்டார் சைக்கிளில் சென்ற 2 வாலிபர்களும் சாலையோரத்தில் தூக்கி வீசப்பட்டு படுகாயமடைந்தனர்.
இதில் அவர்கள் ஓட்டி வந்த பைக் திடீரென தீப்பற்றி எரிந்தது. இதனால் அப்பகுதியில் பெரும் பரபரப்பு ஏற்பட்டது. தகவல் அறிந்து சம்பவ இடத்திற்கு வந்த திருவாடானை போலீசார் படுகாயம் அடைந்த 2 வாலிபர்களையும் மீட்டு சிகிச்சைக்காக தேவகோட்டை அரசு மருத்துவமனைக்கு அனுப்பி வைத்தனர். மேலும் இது தொடர்பாக விசாரணை மேற்கொண்டு வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
